کل تمام رکاوٹیں توڑ کر ملتان میں ملاقات ہو گی، مریم نواز

ہم نیوز  |  Nov 29, 2020

لاہور: پاکستان مسلم لیگ (ن) کی مرکزی نائب صدر مریم نواز نے کہا ہے کہ کل تمام رکاوٹیں توڑ کر ملتان میں ملاقات ہو گی۔

ہم نیوز کے مطابق سابق وزیراعظم میاں محمد نواز شریف کی صاحبزادی مریم نواز نے الزام عائد کیا ہے کہ کراچی کی طرح آج پورے پنجاب میں چادراورچہاردیواری کا تقدس پامال کیا جا رہا ہے۔

پی ایم ایل (ن) کی مرکزی رہنما مریم نواز نے کہا کہ پنجاب میں نہتے لوگوں پر تشدد کیا گیا اور بے گناہوں کو گرفتار کیا گیا ہے۔

انہوں نے کہا کہ پی ڈی ایم ایک پرامن تحریک ہے۔ انہوں نے کہا کہ پی ڈی ایم کی تحریک کا مقصد  ملک میں حقیقی جمہوریت کا قیام، ووٹ کی عزت اور بنیادی حقوق کی بحالی ہے۔

ن لیگ کے قائد میاں نواز شریف کی صاحبزادی نے اپنے پیغام میں کارکنان سے کہا کہ کل تمام رکاوٹیں توڑ کر ملتان میں ملاقات ہو گی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More