بختاور بھٹو نے اپنی منگنی کی تقریب کی ویڈیو شیئر کر دی

ہم نیوز  |  Dec 01, 2020

کراچی: سابق صدر آصف علی زرداری اور سابق وزیراعظم شہید بینظیر بھٹو کی صاحبزادی بختاور بھٹو زرداری نے اپنی منگنی کی ویڈیو شیئر کر دی۔

بختاور بھٹو نے انسٹاگرام اکاؤنٹ پر اپنی منگنی کی تقریب کی ویڈیو شیئر کی ہے جس میں دیکھا جا سکتا ہے کہ بختاور اپنے والد آصف زرداری کا ہاتھ تھامے ہوئے آ رہی ہیں اور ساتھ ہی ان کی بہن آصفہ بھٹو بھی موجود ہیں۔

 

View this post on Instagram

 

A post shared by Bakhtawar Bhutto-Zardari (@bakhtawarbz)

سوشل میڈیا پلیٹ فارم پر جاری ہونے والی ویڈیو کو مداحوں کی جانب سے خوب پسند کیا گیا ہے۔

خیال رہے کہ 27 نومبر کو چیئرمین پیپلزپارٹی بلاول بھٹو کی بڑی بہن بختاور بھٹو زرداری کی منگنی محمود چوہدری سے ہوئی۔

منگنی کی تقریب بلاول ہاؤس کراچی میں ہوئی جس میں خاندان کے افراد، قریبی رشتہ دار اور ذاتی دوستوں نے شرکت کی تھی۔

سوشل میڈیا پر جاری تصاویر میں دیکھا جا سکتا ہے کہ بختاور بھٹو اور محمود چوہدری نے روایتی مشرقی لباس زیب تن کر رکھا تھا۔

سابق صدر آصف علی زرداری تمام وقت تقریب میں مہمانوں سے ملتے اور مبارکباد وصول کرتے رہے جبکہ کورونا سے متاثر بلاول بھٹو زرداری ورچوئل  طریقے سے تقریب میں شریک ہوئے۔

آصفہ بھٹو زرداری نے انٹرنیٹ پر موجود بلاول بھٹو کو مہمانوں سے ملوایا، جنہوں نے کیمرے کے ذریعے فردا” فردا” تمام مہمانوں کا شکریہ ادا کیا۔

مہمانوں کی تواضع پاکستانی اور انگریزی کھانوں سے کی گئی۔ کوفتے، بریانی، چکن بروسٹ اور مچھلی مینو میں شامل تھا۔ بچوں کے کھانے کی خصوصی ڈشز بھی تیار کی گئیں تھیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More