مشیر خزانہ عبدالحفیظ شیخ کو نیب کا نوٹس موصول نہیں ہوا

ہم نیوز  |  Dec 04, 2020

اسلام آباد: وزیراعظم عمران خان کے مشیر برائے خزانہ ڈاکٹر عبدالحفیظ شیخ کو نیب کی جانب سے تاحال کوئی نوٹس موصول نہیں ہوا ہے۔

ہم نیوز کے مطابق وفاقی وزارت خزانہ کی جانب سے جاری کردہ بیان میں کہا گیا ہے کہ وفاقی مشیر خزانہ ڈاکٹر عبدالحفیظ شیخ کو نیب کی جانب سے کوئی نوٹس موصول نہیں ہوا ہے۔

وفاقی وزارت خزانہ کا اس ضمن میں کہنا ہے کہ وفاقی مشیر خزانہ کسی بھی معاملے میں نیب سے مکمل تعاون کرنے کے لیے تیار ہیں۔

میڈیا رپورٹس میں گزشتہ روز کہا گیا تھا کہ وفاقی مشیر خزانہ ڈاکٹرعبدالحفیظ شیخ کو نیب کراچی نے دوسرا نوٹس بھیج دیا ہے۔

میڈیا رپورٹس کے مطابق نیب کا اس ضمن میں کہنا تھا کہ حفیظ شیخ پر سابقہ ادوار میں قومی خزانے سے غیرقانونی ادائیگی کا الزام ہے۔

صارفین کو سستے داموں اشیا کی فراہمی ہماری ذمہ داری ہے، حفیظ شیخ

رپورٹس کے مطابق نیب کی جانب سے جاری کردہ نوٹس میں کہا گہا ہے کہ ایک کروڑ 11 لاکھ 25 ہزار ڈالرز کی غیر قانونی ادائیگی کی گئی تھی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More