امریکا میں کورونا کی خوفناک صورتحال، مزید اموات کاخدشہ

بول نیوز  |  Jan 22, 2021

دنیا بھر میں امریکہ میں کورونا کی صورتحال سب سے زیادہ  خوفناک ہے، جہاں 4 لاکھ 20 ہزار 285 اموات ہوچکی ہیں اور 2 کروڑ 21 لاکھ 96 ہزار سے زائد افراد متاثر ہیں۔

بین القوامی ذرائع ابلاغ کے مطابق امریکی صدر جوبائیڈن نے کوروناوائرس کی روک تھام کےایگزیکٹواقدامات پردستخط کردئیے ہیں۔

ان کا اس سلسلے میں کہنا ہے کہ کورونا پر قابو پانے میں کچھ مہینے لگیں گے، ماضی کی حکومت کورونا پر فوری توجہ دینے میں ناکام رہی۔

امریکی صدر نے کہاکہ امریکا آنے والے مسافرو ں کو قرنطینہ میں رہنا ہوگا۔

جوبائیڈن نے بتایا کہ کورونا کیسز مزید بڑھنے کا خدشہ ہے، بد قسمتی سے اموات کی تعداد اگلے ماہ تک 5لاکھ ہو جائے گی۔

انھوں نے اعداوشمار کے بارے میں بتا یا کہ اب تک کورونا سے4لاکھ سے زائد امریکی ہلاک ہوئے۔

جوبائیڈن کا کہنا ہے کہ انتظامیہ کی قومی پالیسی کسی فرقے یا سیاست کے لیے نہیں، کورونا سے متعلق پلان تمام امریکیوں کو مل کر کامیاب بنانا ہے۔

امریکی صدر نے کہاکہ ماسک پہن کر ہم اپریل تک50ہزار سےزائد جانیں بچا سکتے ہیں، بد قسمتی سے ماسک ایک متعصب مسئلہ بن گیا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More