’’صدر جوبائیڈن سے بات کرکے اچھا لگا‘‘، برطانوی وزیراعظم

ہم نیوز  |  Jan 24, 2021

لندن: برطانیہ کے وزیر اعظم بورس جانسن نے کہا ہے کہ امریکہ کے نو منتخب صدر جوبائیڈن سے بات کر کے اچھا لگا ہے۔

برطانوی وزیراعظم بورس جانسن یورپ کے پہلے رہنما ہیں جنہیں امریکی صدر جوبائیڈن نے فون کیا ہے۔

امریکی ذرائع ابلاغ کے مطابق نو منتخب صدر جوبائیڈن نے حلف اٹھانے کے بعد سب سے پہلے کینیڈا کے وزیراعظم کو فون کیا تھا اور ان سے بات چیت کی تھی۔ صدر جوبائیڈن نے اس کے بعد میکسیکو کے صدر سے بھی فون پر بات کی ہے۔

عالمی خبر رساں ایجنسی کے مطابق صدر جوبائیڈن اور برطانوی وزیراعظم بورس جانسن کے درمیان ہونے والی ٹیلی فونک بات چیت میں دونوں ممالک کے درمیان تعلقات کو مضبوط بنانے اور موسمیاتی تبدیلیوں سے نمٹنے کے لیے تعاون پر بات چیت کی گئی ہے۔ بات چیت میں کورونا وائرس سے نمٹنے کی حکمت عملی پر بھی تبادلہ خیال کیا گیا۔

برطانوی ذرائع ابلاغ کے مطابق نو منتخب صدر جوبائیڈن نے برطانوی وزیراعظم بورس جانسن کو فون کیا تھا۔

Great to speak to President @JoeBiden this evening. I look forward to deepening the longstanding alliance between our two countries as we drive a green and sustainable recovery from COVID-19. pic.twitter.com/Y4P3G74PPz

— Boris Johnson (@BorisJohnson) January 23, 2021

برطانیہ کے وزیراعظم بورس جانسن نے امریکی صدر سے فون پر بات چیت کرنے کے بعد ایک تصویر سماجی رابطے کی ویب سائٹ ’ٹوئٹر‘ پر شیئر کی ہے جس میں انہوں نے لکھا ہے کہ آج شام صدر جوبائیڈن سے بات کرکے اچھا لگا۔

لاک ڈاؤن میں نرمی کرنے کی پوزیشن میں نہیں ہیں، بورس جانسن

دلچسپ امر ہے کہ نو منتخب امریکی صدر جوبائیڈن نے گزشتہ سال وزیراعظم بورس جانسن کو امریکی صدر ڈونلڈ ٹرمپ کا جسمانی و جذباتی چربہ قرار دیا تھا۔ انہوں نے برطانوی وزیراعظم کی پالیسیوں کو بھی تنقید کا نشانہ بنایا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More