پشاور: سوات اور نواحی علاقوں میں زلزلے کے جھٹکے محسوس کیے گئے ہیں۔ زلزلے کے جھٹکے محسوس کرتے ہی سخت سردی میں لوگوں کی بڑی تعداد گھروں سے کلمہ طیبہ کا ورد کرتی ہوئے باہر نکل آئی ہے۔
ہم نیوز کے مطابق زلزلہ پیما مرکز نے بتایا ہے کہ ریکٹر اسکیل پر زلزلے کی شدت 3.2 ریکارڈ کی گئی ہے۔
زلزلہ پیما مرکز کے مطابق زلزلے کا مرکز پاک افغان سرحدی علاقے میں دس کلومیٹر گہرائی میں تھا۔
ہم نیوز کے مطابق تاحال زلزلے کی وجہ سے کسی بھی قسم کے جانی یا مالی نقصان کی کوئی اطلاع نہیں ملی ہے۔