ماضی میں شوبز سے تعلق رکھنے والی اداکاراؤں نے ہراساں کیا، اظفر رحمٰن کا انکشاف

بول نیوز  |  Feb 22, 2021

پاکستان شوبز انڈسٹری کے اداکار اظفر رحمٰن نے اہم انکشاف کر دیا۔

 تفصیلات کے مطابق اداکار اظفر رحمٰن نے نجی پروگرام میں دورانِ گفتگو بتایا کہ ماضی میں انہیں متعدد ساتھی اداکاراؤں و شوبز سے تعلق رکھنے والی خواتین نے ہراساں کیا۔

متعلقہ خبرجینیفر لوپیز بھی “می ٹو” کا شکار۔ ڈائریکٹر نے جنسی طور پر ہراساں کیا

پچا س سال کی عمرمیں بھی کسی جوان لڑکی کی طرح پرفارم...

 

اداکار نے بتایا کہ ہمیشہ خواتین صحیح نہیں ہوتیں اور کبھی بھی کسی کو ہراساں نہیں کیا جانا چاہیے۔

اظفر رحمٰن نے شوبز انڈسٹری میں ’کاسٹنگ کاؤچ اور ’می ٹو‘ مہم سمیت دیگر معاملات پر کھل کر بات کی۔

اداکار نے ملک میں ’می ٹو‘ مہم پر بات کرتے ہوئے مزید کہا کہ کسی کے ساتھ زبردستی کرنا غلط ہے اور زبردستی کی حمایت نہیں کی جا سکتی، البتہ رضامندی کے ساتھ کچھ بھی کیا جا سکتا ہے۔

پروگرام میں انہوں نے اس حوالے سے بات کرت ہوئے کہا کہ اگر دو افراد کوئی بھی کام باہمی رضامندی سے کرتے ہیں یا پھر کچھ لو اور کچھ دو کی بنیاد پر کرتے ہیں تو ٹھیک ہے۔

تاہم کسی کو کسی کے ساتھ زبردستی کرنے کی اجازت نہیں اور ایسے عمل کی حمایت بھی نہیں کی جا سکتی۔

انہوں نے مزید کہا کہ کسی کے خلاف سوشل میڈیا پر الزام تراشی کرنے میں جلد بازی نہیں کی جانی چاہیے، جب کسی کے خلاف شواہد موجود ہوں تو بات کی جا سکتی ہے۔

اداکار کا کہنا ہے کہ ’می ٹو مہم‘ ایک حساس مسئلہ ہے اور وہ کسی ایسے عمل کی توثیق نہیں کرتے جس میں کسی کو ہراساں کیا جاتا ہو، وہ مکمل طور پر ’می ٹو‘ مہم کی حمایت کرتے ہیں۔

دوسری جانب اداکار اظفر رحمٰن نے شوبز انڈسٹری کے حوالے سے پردہ اُٹھاتے ہوئے بتایا کہ شوبز میں سالوں سے ’کاسٹنگ کاؤچ‘ (یعنی کام کے بدلے جنسی خواہشات کی تکمیل) چلتی آ رہی ہیں اور چلتی رہیں گی مگر یہ غلط ہے اور ایسا نہیں ہونا چاہیے۔

اداکار نے بتایا کہ جب میں شوبز انڈسٹری میں آیا تو مجھے بھی یہ پیش کش کی گئی کہ اگر وہ ’فلاں‘ کام کریں گے تو انہیں ’کام‘ ملے گا۔

تاہم اداکار نے یہ واضح نہیں کیا کہ ان سے کس کام کا مطالبہ کیا گیا اور کس نے ان سے مطالبہ کیا تھا؟

علاوہ ازیں اظفر رحمٰن نے بتایا کہ اگر کبھی فلم بنانے کا موقع ملا تو وہ فواد خان اور مہوش حیات کو ایک ساتھ کاسٹ کریں گے۔

 

View this post on Instagram

 

A post shared by Azfâr Rehmân Kashmiri (@azfu)

جبکہ انہوں نے مہوش حیات کو سب سے خوبصورت اداکارہ اور فواد خان کو سب سے بہترین اداکار بھی قرار دیا۔

 

View this post on Instagram

 

A post shared by Azfâr Rehmân Kashmiri (@azfu)

اظفر رحمٰن کا کہنا تھا کہ اگر انہیں موقع ملے تو وہ اداکارہ میرا کا فون چرالیں گے جب کہ ریما سے وہ خوبصورتی کا راز اور صائمہ سے اداکاری میں مہارت کا راز پوچھیں گے۔

انہوں نے مہوش حیات کو مشورہ دیا کہ اب وہ کسی چوتھے ڈائریکٹر کے ساتھ کام کریں، کیوں کہ وہ گزشتہ 5 سال سے صرف تین ڈائریکٹرز کے ساتھ کام کر رہی ہیں۔

 

View this post on Instagram

 

A post shared by Azfâr Rehmân Kashmiri (@azfu)

اسی طرح انہوں نے فہد مصطفیٰ کو بھی مشورہ دیا کہ وہ ندیم بیگ کے ساتھ کام کرنا بند کریں اور ماورا حسین کو مشورہ دیا کہ وہ گلیمرز کردار ادا کرنا چھوڑ دیں۔

اداکار نے اپنی زندگی میں آنے والی خوشی کے بارے میں بھی مداحوں کو بتایا کہ ان کے ہاں جلد بچے کی پیدائش ہونے والی ہے اور وہ کچھ ہی عرصے میں ایک ویب سیریز اور فلم میں بطور ہیرو ایکشن میں دکھائی دیں گے۔

واضح رہے اداکار اظفر رحمٰن نے بتایا کہ عائشہ عمر کے ساتھ کراچی سے حیدرآباد جا رہے تھے تو ان کی کار کا ایکسینڈٹ ہوگیا تھا اور اس حادثے نے ان کی زندگی بدل دی مگر میڈیا اور بلاگرز نے ان کے لیے غلط باتیں لکھیں کہ عائشہ عمر نشہ پی کر ڈرائیونگ کر رہی تھیں جب کہ کار کو ڈرائیور چلا رہا تھا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More