لاہور قلندرز نے کوئٹہ گلیڈی ایٹرز کو شکست دے دی

بول نیوز  |  Feb 22, 2021

پاکستان سپرلیگ (پی ایس ایل) 6 کے چوتھے میچ میں لاہور قلندرز نے کوئٹہ گلیڈی ایٹرز کو 9 شکست دے دی ہے۔

کراچی کے نیشنل اسٹیڈیم میں کھیلے جارہے  میچ میں لاہور قلندرز کے کپتان سہیل اختر نے ٹاس جیت کر پہلے فیلڈنگ کا فیصلہ کیا جو کہ درست فیصلہ ثابت ہوا۔

کوئٹہ گلیڈی ایٹرز نے مقررہ 20 اوورز میں 6 وکٹوں کے نقصان پر 178 رنز بنائے۔

بیٹنگ میں کوئٹہ کی اننگز کا آغاز اچھا نہ تھا تاہم 2  وکٹیں گرنے کے بعد کپتان سرفراز احمد اور کرس گیل نے ذمہ داری سے بیٹنگ کی اور ٹیم کو مستحکم پوزیشن فراہم کردی۔

کوئٹہ کی جانب سے بیٹنگ میں کرس گیل 68 رنز بنا کر نمایاں رہے جبکہ سرفراز احمد 40 رنز اور محمد نواز 33 رنز بنا کر دیگر نمایاں بیٹسمین رہے۔

بولنگ میں لاہور قلندرز کی جانب سے حارث رؤف نے شاندار بولنگ کرتے ہوئے 3 کھلاڑیوں کو آؤٹ کیا جبکہ شاہین شاہ آفریدی، راشد خان اور احمد دانیال نے ایک، ایک وکٹ حاصل کی ۔

ہدف کے تعاقب میں لاہور قلندرز کی جانب سے شاندار بیٹنگ کا مظاہرہ کیا گیا ہے۔

لاہور قلندرز کی جانب سے بیٹنگ میں فخر زمان اور محمد حفیظ نے ذمہ دارانہ اننگز کھیلی اور اپنی ٹیم کو جتوانے میں دونوں نے اہم کردار ادا کیا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More