واٹس ایپ کی نئی پالیسی قبول نہ کرنے پر میسجز بند

ہم نیوز  |  Feb 23, 2021

انٹرنیٹ سے پیغام رسانی کی ایپلی کیشن واٹس ایپ کی نئی شرائط اور پالیسیاں قبول نہ کرنے والے صارفین پیغامات کا تبادلہ نہیں کر سکیں گے۔

کمپنی نے صارفین کو15مئی کی ڈیڈ لائن دی ہے۔ پالیسی قبول نہ کرنے والوں کا اکاؤنٹ120 دن تک غیرفعال رکھا جائے گا اور اس کے بعد ڈیلیٹ کر دیا جائے گا۔

اکاؤنٹ غیرفعال ہونے کے دوران صارفین کالز کر سکیں گے اور نوٹیفکیشن بھی وصول کرتے رہیں گے۔ واٹس ایپ نے جنوری2021 میں اپنی پالیسی اپڈیٹ کی تھی جس پر صارفین کی طرف سے سخت ردعمل بھی سامنے آیا۔

واٹس ایپ نے صارفین کے لیے اپنی اپڈیٹ پالیسی کے نوٹیفیکیشنز بھیجے تھے جن کے مطابق8 فروری تک پالسی قبول نہ کرنے والے صارفین کے کاؤنٹ ڈیلیٹ کرنے تھے۔

یہ بھی پڑھیں:

بعد ازاں صارفین کی جانب سے سخت ردعمل کے بعد کمپنی میں تاریخ تبدیل کی اور صارفین کومئی تک کا وقت دیا تھا۔

نئی پالیسی کے مطابق واٹس ایپ صارفین کا ڈیٹا ناصرف استعمال کرے گا بلکہ اسے فیس بک کے ساتھ شیئر بھی کرے گا۔

پالیسی کے مطابق واٹس ایپ سروس استعمال کرتے ہوئے آپ کسی دوسرے بزنس کے ساتھ رابطے میں آتے ہیں تو اس کی تمام معلومات کمپنی کے پاس پہنچ جاتی ہیں جس کو فیس بک کی زیرملکیت دیگر ایپلیکیشنز سے شیئر کیا جاتا ہے۔

واٹس ایپ کی جانب سے جاری نئی پالیسی کے مطابق ادارے کو اپنی مارکیٹنگ، سپورٹ، تبدیلیاں اور سروسز کو بہتر بنانے کے لیے صارفین کی معلومات درکار ہیں، جو نئی پالیسی کو قبول کیے بغیر حاصل نہیں کی جاسکتیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More