چیف ایگزیکٹو پی سی بی کے عہدے کی مدت میں توسیع کا امکان

بول نیوز  |  Feb 25, 2021

چیف ایگزیکٹو پی سی بی  وسیم خان کے عہدے کی مدت میں کم از کم ایک سال کی توسیع کا امکان ہے۔

تفصیلات کے مطابق  ‏پاکستان کرکٹ بورڈ  (پی سی بی) کے گورننگ  بورڈ   کا اجلاس   چیئر مین پی سی بی احسان مانی کی زیر صدارت ہفتے کو کراچی میں ہو گا۔

  گورننگ بورڈ کے اجلاس میں اہم امور زیر بحث آئیں گے۔

چیئرمین پی سی بی احسان  مانی اور چیف ایگزیکٹو وسیم خان  کرکٹ اپ ڈیٹس دیں گے۔ پاکستان کرکٹ ٹیم کی کارکردگی  ،حالیہ سیریز اور مستقبل کے ٹورز پر بات ہو گی۔

پاکستان سپر لیگ کے  امور  پر گورننگ بورڈ  کے اجلاس میں گفتگو ہو گی۔

اجلاس میں چیف ایگزیکٹو وسیم  خان  کے عہدے کی مدت میں توسیع  کا معاملہ بھی زیر بحث آئے گا۔ وسیم خان کے عہدے کی مدت میں کم از کم ایک برس توسیع کا امکان ہے۔

واضح رہے کہ  وسیم خان  کے عہدے کی مدت اگلے برس فروری میں ختم ہو رہی ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More