عالمی وبا کو شکست کیسے دی جائے؟ طریقہ بتائیں اور جیتیں 8 لاکھ روپے سے زائد رقم

بول نیوز  |  Feb 26, 2021

متحدہ عرب امارات کی ریاست شارجہ نے کورونا سے چھٹکارہ پانے کیلئے نیا طریقہ آزمانے کا فیصلہ کرلیا۔

تفصیلات کے مطابق شارجہ میں پولیس نے اعلان کیا ہے کہ جو بھی شہری عالمی وبا سے نجات حاصل کرنے کا سوزمند طریقہ بتائے گا اسے انعام کے طور پر 8 لاکھ روپے سے زائد کی رقم دی جائے گی۔

رپورٹ کے مطابق شارجہ کی پولیس نے اعلان کیا ہے کہ اگر کسی شہری کے پاس کورونا کو شکست دینے کا طریقہ ہے تو وہ آگاہ کریں اور نیا اوپن انوویشن ایوارڈ جیتنے کا موقع حاصل کریں۔

شارجہ پولیس نے یہ اعلان انوویشن لیپ کی افتتاحی تقریب کے موقع پر کیا گیا۔ اور کہا کہ ریاست میں مقیم کوئی بھی شہری اس پروگرام کے لیے درخواست بھیج سکتا ہے۔

شارجہ میں ادارہ برائے ترقی و حکمت عملی کے ڈائریکٹر کرنل طارق المدفہ کا کہنا تھا کہ ایوارڈ کو دو حصوں میں تقسیم کیا گیا ہے، جس میں سے ایک طریقے اور دوسرا اُس کے عمل درآمد پر ہوگا۔

انہوں نے بتایا کہ موصول ہونے والے آئیڈیاز کا ماہرین جائزہ لیں گے جس کے بعد فاتح شخص یا ٹیم کو بیس ہزار درہم (8 لاکھ 62 ہزار روپے) کی رقم بطور انعام ادا کی جائے گی۔

کرنل طارق المدفہ نے اعلان کرتے ہوئے مزید کہا کہ شہری انفرادی یا گروپ کی صورت میں اس ایوارڈ کے لیے درخواست بھیج سکتے ہیں تاہم اگر کوئی ٹیم حصہ لے رہی ہے تو اُس میں چار سے زیادہ اراکین شامل نہیں ہونے چاہیں اور نہ ہی انہوں نے پہلے کبھی کوئی انعام جیتا ہو۔

درخواست جمع کروانے کی آخری تاریخ 20 مارچ رکھی گئی ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More