وزن کم کرنے کا نہایت آسان اور سستا طریقہ

روزنامہ اوصاف  |  Apr 04, 2021

اسلام آباد(نیو زڈیسک)زیادہ وزن یا موٹاپا، اگر آپ ان مسائل سے دوچار ہیں تو یہ جان کر آپ کو اچھا لگے گا کہ بھوکا رہنے یا کم کھائے بغیر بھی وزن کم کیا جاسکتا ہے۔آپ کو یہ معلوم ہونا چاہیے کہ ان میں سے زیادہ صحت مند غذا کون سی رہے گی اس کیلئے ہمیشہ غذائیت سے بھرپور اشیاء کا انتخاب کریں۔اس بات میں کوئی شک نہیں جب لوگ وزن کم کرنے کے بارے میں سوچتے ہیں تو ان کی کوشش ہوتی ہے کہ یہ مسئلہ کم سے کم وقت میں ہی حل ہو جائے۔اس حوالے سےاے آر وائی ڈیجیٹل کے پروگرام گڈ مارننگ پاکستان میں ہربلسٹ رانی آپا نے وزن کم کرنے کا نہایت آسان نسخہ بتایا جس پر عمل کرکے آپ باآسانی اس سے نجات حاصل کرسکتے ہیں۔مسئلہ سے چھٹکارا پانے کیلئے رانی آپا نے ایک سفوف بنانے کا طریقہ بیان کیا جس کو دن میں ایک چمچ تین بار استعمال کرنا ہے اور اس کے کوئی مضراثرات بھی نہیں ہیں۔دار چینی پاؤڈر25 گرام، چھوٹی الائچی دس گرام، سفید زیرہ25گرام، سونٹھ یعنی سوکھی ادرک پسی ہوئی25گرام ، دس گرام اجوائناور کڑی پتہ پچیس گرام۔ چھوٹی الائچی کا چھلکا اتار کر ڈالا جائے۔اب ان تمام اشیاء کو اچھی طرح پیس کر اس کا سفوف بنالیں اور دن میں تین بار سادے پانی کے ساتھ اسے استعمال کریں اور یاد رہے کہ اس کے کوئی سائیڈ افیکٹس نہیں ہیں۔یہ بات یاد رکھیں کہ وزن کے بڑھنے میں کیلوریز کا براہِ راست کردار ہوتا ہے، مثلاً آپ کتنی کیلوریز کھاتےہیں، اس میں سے کتنی کیلوریز آپ جسمانی مشقت کے ذریعے استعمال کرتے ہیں اور کتنی آپ کے جسم میں بچ جاتی ہیں۔آپ کو استعمال ہونے والی کیلوریز میں سے جسم میں بچ جانے والی کیلوریز میں توازن پیدا کرنا ہے۔ اگر آپ اپنے جسم میں ضرورت سے زیادہ کیلوریز بچا رہے ہیں اور انہیں جسمانیمشقت کے ذریعے استعمال نہیں کررہے تو یقیناً آپ کا وزن بڑھنا شروع ہوجائے گا۔
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More