اسلام آباد کے کاون کو نئی زندگی کا پہلا ساتھی کیسے ملا ؟

ہم نیوز  |  Apr 12, 2021

معروف امریکی گلوکارہ چیر نے پاکستانی چڑیا گھر سے کاون ہاتھی کی رہائی سے متعلق ڈاکومنٹری بنائی ہے جس میں انہوں نے بتایا ہے کہ کاون کو کیسے بچایا گیا اور اسے نئی زندگی کا پہلا ساتھی کیسے ملا۔ 

ڈاکو منٹری میں چیر نے بتایا ہے کہ کس طرح سوشل میڈیا #FreeKaavan مہم چلائی گئی اور پوری دنیا سے مختلف ممالک کے لوگوں نے کاون کو چڑیا گھر سے نکلوانے میں ان کا ساتھ دیا۔

 چیر نے بتایا کہ انہیں پوری دنیا سے میسجز موصول ہوئے جن میں کہا گیا تھا کہ وہ کاون کو تنہائی سے آزادی دلوائیں مگر انہوں نے سوچا کہ وہ تو امریکہ میں مقیم گلوکارہ ہیں جو پاکستان سے اتنی دور ہیں وہ کیسے یہ کر پائیں گی۔

امریکی گلوکارہ نے بتایا کہ عوام کی جانب سے دی گئی ہمت نے ان کا ارادہ بنایا اور پھر وہ ناممکن کو ممکن بنانے میں کامیاب ہوئیں۔

یہ بھی پڑھیں: 

چیر کی کاون کی زندگی اور رہائی پر بنائی گئی ڈاکو منڑی 22 اپریل کو ارتھ ڈے کے موقع پر ریلیز کی جائے گی۔

خیال رہے کہ 35 برس تک اسلام آباد کے مرغزار چڑیا گھر میں رہنے والے کاون ہاتھی کو آٹھ سال کی تنہائی کے بعد کمبوڈیا منتقل کیا گیا تھا۔

کاون ہاتھی کوایک سال کی عمر میں 1985 میں سری لنکن حکومت نے اس وقت پاکستان کے صدر جنرل ضیاءالحق کو بطور تحفہ پیش کیا تھا۔ 36 سالہ کاون کو کمبوڈیا منتقل کروانے کے لیے امریکی گلوکارہ چیر خاص طور پر پاکستان آئی تھیں۔

یہ بھی پڑھیں: 

اسلام آباد ہائی کورٹ نے شہر کے چڑیا گھر سے ہاتھی کاون سمیت تمام جانوروں کو محفوظ پناہ گاہوں میں منتقل کرنے کا حکم دیا تھا جس پر امریکی پاپ گلوکارہ شیر نے خوشی کا اظہار کرتے ہوئے حکومت پاکستان کا شکریہ بھی ادا کیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More