مجھے امریکا بدر نہیں کیا گیا، اداکارہ میرا

بول نیوز  |  Apr 14, 2021

پاکستان شوبز انڈسٹری کی اداکارہ میرا نے کہا ہے کہ اُنہیں امریکا بدر نہیں کیا گیا بلکہ وہ ہیوسٹن میں ہی کام کر رہی ہیں۔

اداکارہ میرا نے بتایا کہ میں شوبز پروموٹر ریحان صدیقی کے رین پراجیکٹس پر کام کے لیے ہیوسٹن پہنچ چکی ہوں۔

میرا نے بتایا کہ نیو یارک کے اسپتال میں غلط فہمی پیدا ہوئی اور امریکا چھوڑنے کی بھی جھوٹی خبریں پھیلائی گئیں۔

اداکارہ نے کہا کہ نہ مجھے پاگل خانے بھیجا گیا اور نہ ہی 50 ہزار ڈالر بطور ضمانت طلب کیے گئے۔

اُنہوں نے مزید کہا کہ میڈیا میری زندگی میں دلچسپی لے لیکن خبروں کی اشاعت سے قبل تصدیق تو کرلے۔

دوسری جانب شوبز پروموٹر ریحان صدیقی نے کہا کہ میرا کے متعلق ایک کے بعد ایک جھوٹی خبریں پھیلائی گئیں۔

ریحان صدیقی کا کہنا تھا کہ میرا باصلاحیت فنکارہ ہیں، اسی لیے انہیں ہیوسٹن مدعو کیا ہے۔

گزشتہ دنوں سے میرا کی والدہ کا حوالہ دے کر یہ خبریں زیرگردش تھیں کہ میرا کو لندن میں پاگل خانے میں داخل کروادیا گیا ہے

اداکارہ میرا نے عمران عباس کے ذریعے ان تمام خبروں کی تردید کی تھی۔

واضح رہے اداکار عمران عباس نے بتایا تھا کہ وہ بالکل صحتمند ہیں اور ان کی ذہنی حالت بھی ٹھیک ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More