اداکارہ سارہ خان اسپتال میں داخل

سماء نیوز  |  Apr 15, 2021

معروف جوڑی سارہ خان اور فلک شبیران دنوں ترکی میں موجود ہیں جہاں طبیعت خراب ہونے پرسارہ کواسپتال میں داخل کروادیا گیا۔

سارہ کی بیماری کی اطلاع فلک نے انسٹاگرام اسٹوریزکے ذریعے فالوورز کودی ، شیئرکی جانے والی تصویرمیں سارہ کو اسپتال کے بسترپردیکھا جاسکتا ہے۔

فلک شبیرنے کیپشن میں لکھا ” اس کی طبیعت ٹھیک نہیں ہے ”، تاہم انہوں نے سارہ کی بیماری کی نوعیت کے حوالے سے کچھ نہیں بتایا۔

اطلاعات کے مطابق سارہ کے منیجرکا کہنا ہے کہ اداکارہ ٹائیفائیڈ کا شکار ہوئی ہیں۔

سارہ کے مداح ان کی جلد صحتیابی کیلئے دعاگوہوتے ہوئے نیک خواہشات پر مبنی پیغامات بھیج رہے ہیں۔

فلک شبیراور سارہ ترکی میں موجود ہیں اور دونوں کی جانب سے حالیہ دنوں میں سوشل میڈیاپر وہاں کی جانے والی سیر وتفریح کی تصاویرشیئرکی جاتی رہی ہیں۔

سارہ خان اور گلوکار فلک شبیرکے اچانک شادی کرنے سے دونوں کے مداحوں کو خاصی حیرت ہوئی تھی، 14 جولائی کو منگنی کے اعلان کے بعد اگلے ہی روز شادی کی تقریبات کا آغاز ہوا اور دونوں نے 17 جولائی کو کراچی میں زندگی کے نئے سفر کاآغاز کیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More