اینگلا مرکل نے اپنی باری پر کورونا ویکسین لگوا لی

ہم نیوز  |  Apr 17, 2021

جرمنی کی چانسلر 66 سالہ اینگلا مرکل نے اپنی باری پر کورونا کی ویکسین ایکسٹرا زینیکا لگوا لی ہے۔

جرمنی میں قطار توڑنا انتہائی معیوب تصور کیا جاتا ہے۔ یہاں تک کہ قطار توڑنے والوں کے خلاف قانونی کارروائی بھی کی جا سکتی ہے۔

یہ بھی پڑھیں: 

دنیا کی طاقتور ترین خاتون اینگلا مرکل نے اپنے ملک کے قانون اور روایات کی پاسداری کرتے ہوئے اور دیگر ممالک کے سربراہان کے برعکس اپنے منصب کا فائدہ نہ اٹھاتے ہوئے باری آںے پر کورونا ویکسین لگوائی ہے۔

Kanzlerin : „Ich freue mich, dass ich heute die Erstimpfung mit AstraZeneca bekommen habe. Ich danke allen, die sich in der Impfkampagne engagieren – und allen, die sich impfen lassen. Das Impfen ist der Schlüssel, um die Pandemie zu überwinden.“ pic.twitter.com/P4kMJYNrlc

— Steffen Seibert (@RegSprecher) April 16, 2021

اینگلا مرکل کی کورونا ویکسی نیشن کی خبر ان کے ترجمان سٹیفن سیبرٹ نے سماجی رابطوں کی ویب سائٹ ٹوئٹر پر شیئر کی۔ پوسٹ میں اینگلا مرکل کے ویکیسین لگوانے کے سرٹیفیکیٹ کی تصویر لگائی گئی۔

پوسٹ میں اینگلا کی جانب سے تحریر کیا گیا کہ ’میں کورونا ویکیسین ایسٹرا زینیکا کی پہلی ڈوز لگوا چکی ہوں، میں ان تمام افراد کا شکریہ ادا کرنا چاہتی ہوں جو کہ ویکسی نیشن کمپین کا حصہ ہیں اور ان کا بھی جو یہ ویکسین لگوا رہے ہیں‘۔

یہ بھی پڑھیں: وزیراعظم عمران خان کا جرمن چانسلر اینجلا مارکل سے ٹیلی فونک رابطہ

جرمن چانسلر اینگلا مرکل نے اپنے پیغام میں یہ بھی کہا کہ ویکسین ہی اس وبا پہ قابو پانے کا ذریعہ ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More