اے بی ڈویلیئرز کی انٹرنیشنل کرکٹ میں واپسی کا امکان

ہم نیوز  |  Apr 18, 2021

جنوبی افریقا کے سابق کپتان و مایہ ناز بلے باز اے بی ڈویلیئرز جلد انٹرنیشنل کرکٹ میں واپسی کر سکتے ہیں۔

کرک انفو کی رپورٹ کے مطابق انڈین پریمیئر لیگ (آئی پی ایل) میں اپنی بہترین بلے بازی کے جوہر دکھانے والے جنوبی افریقی کھلاڑی نے ایک انٹرویو میں کہا ہے کہ گزشتہ سال بھی کوچ مارک باوچر نے میری دستیابی سے متعلق پوچھا تھا۔

انہوں نے بتایا کہ میں نے بھارت میں ہونے والے ٹی ٹوئنٹی ورلڈ کپ کے لیے ریٹائرمنٹ واپس لینے پر آمادگی کا اظہار کیا تھا۔

ان کا کہنا تھا کہ حالیہ دنوں میں میری مارک باوچر سے اس حوالے سے کوئی بات نہیں ہوئی مگر ان سے ملاقات کے بعد اس سے متعلق ضرور سوچا جائے گا۔

انہوں نے کہا کہ یہ دیکھنا پڑے گا کہ گزشتہ چند سالوں سے جو کھلاڑی اسکواڈ کا حصہ ہیں کہیں ان کے ساتھ زیادتی نہ ہو جائے۔

ڈویلیئرز کا کہنا تھا کہ آئی پی ایل کے اختتام پر مارک باوچر سے ملاقات طے ہیں، دیکھیں گے میری اسکواڈ میں جگہ بنتی ہے یا نہیں۔

یاد رہے 2018 میں جارح مزاج  بلے باز ابراہم بینجامن ڈی ویلئیر نے انٹرنیشنل کرکٹ سے ریٹائرمنٹ کا اعلان کیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More