دنیا کی سب سے چھوٹی اور طاقتور مائیکرو چیپ تیار

ہم نیوز  |  May 07, 2021

معروف کمپیوٹر ساز ادارے آئی بی ایم نے دنیا کی سب سے چھوٹی اور تیز ترین مائیکرو چپ تیار کرنے کا دعویٰ کیا ہے۔

آئی بی ایم نے اعلان کیا کہ اس نے 2 نینومیٹر چیپ تیار کی ہے ، جو اب تک تیار کردہ سب سے چھوٹی ، طاقتور ترین مائکروچپ ہے۔

زیادہ تر کمپیوٹر چپس 10 یا 7 نینو میٹر پروسیس ٹکنالوجی کا استعمال کرتے ہیں جبکہ کچھ مینوفیکچر 5 نینو میٹر چپس تیار کرتے ہیں۔ چیپ جتنی چھوٹی ہوگی پروسیسر اتنا ہی اچھا تصور کیا جاتا ہے۔

آئی بی ایم کی نئی چپ 2 نینو پروسیس ٹیکنالوجی کا استعمال کرتی ہے ، سمارٹ فونز اور سپرکمپیوٹر کو مزید طاقت ور بنانے کی جانب اہم قدم ہے۔

نئی چیپ کا سائز تقریبا ناخن کے برابر ہے اور اس میں50 ارب ٹرانزسٹر لگائے گئے ہیں جو معلومات کو پراسیس کرنے میں اہم کردار ادا کرتے ہیں۔

توقع کی جا رہی ہے کہ 2 نینو کی چپ جدید ترین 7 نینو میٹر چپس کے مقابلے میں 45 فیصد بہتر کارکردگی دکھائے گی اور تقریبا 75 فیصد کم توانائی استعمال کرے گی۔

دو نینومیٹر چپ کی مدد سے، سیل فون کی بیٹریاں چار گنا زیادہ دیر تک چل سکتی ہیں ، لیپ ٹاپ کی رفتار میں بھی تیزی آئے گی۔ توقع کی جارہی ہے کہ 2024یا2025 کے آخر میں اس کی صنعتی پیمانے پر تیاری شروع ہوجائے گی۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More