حماس کے راکٹ حملے، اسرائیل کی فضائی کارروائی، 9فلسطینی شہید

سماء نیوز  |  May 11, 2021

حماس کے راکٹ حملوں کے بعد اسرائیل نے غزہ پر بمباری کردی، جس میں 9 فلسطینی شہید ہوگئے۔

اسرائیل کی جانب سے مسجداقصیٰ پر حملے اور فلسطینیوں سے جھڑپیں بدستور جاری ہیں، جہاں فائرنگ سے مزید 300 کے قریب افراد زخمی ہوگئے، جن میں درجنوں افراد کی حالت تشویشناک بتائی جارہی ہے۔

اسرائیل نے ایک غزہ پر بھی فضائی حملہ کردیا۔ غزہ کی وزارت صحت کا کہنا ہے کہ  اسرائیلی حملے کے نتیجے میں 9 فلسطینی ہلاک ہوگئے ہیں۔

تاہم اسرائیلی فوج کی جانب سے اس حوالے سے کوئی بیان سامنے نہیں آیا ہے۔

غیر ملکی میڈیا کے مطابق حماس کی جانب سے اسرائیل کو دیئے جانے والے الٹی میٹم کا وقت ختم ہوتے ہی یروشلم میں سائرن کی آوازیں سنی گئیں۔ غزہ پر کنٹرول رکھنے والے گروپ حماس نے اسرائیل کو الٹی میٹم دیا تھا کہ وہ الاقصیٰ اور یروشلم سے شام 6 بجے تک اپنی فوجیں نکالے۔

فلسطین کی ہلال احمر سوسائٹی کا کہنا ہے کہ اسرائیلی فوج کے مسجد اقصیٰ پر حملوں میں کم سے کم 305 فلسطینی زخمی ہوئے اور ان میں سے 228 کو اسپتال لے جایا گیا جن میں درجنوں افراد کی حالت تشویشناک ہے۔

حماس کی طرف سے راکٹ فائر کئے جانے کے نقصانات کے حوالے سے فوری طور پر کوئی رپورٹ سامنے نہیں آئی تاہم مقامی میڈیا کا کہنا ہے کہ یروشلم کے پہاڑوں میں ایک گھر کو نقصان پہنچا ہے۔

اسی طرح اسرائیلی حکام کی جانب سے یہ کہا گیا ہے کہ ایک ٹینک میزائل بھی فائر کیا گیا جس سے ایک اسرائیلی زخمی ہوا اورگاڑی کو نقصان پہنچا۔

دوسری جانب انتہاء پسند یہودی مسجد اقصیٰ کا دروازہ توڑتے نظر آئے، مسجد کے باہر ہزاروں انتہاء پسند یہودی اپنا مذہبی دن منانے کیلئے جمع ہوگئے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More