مسافروں کو پاکستان لانے والی ایئر لائنز پر بڑا الزام عائد ، سی اے اے

بول نیوز  |  May 11, 2021

سی اے اے نے کہا ہے کہ بیرون ملک سے پاکستان مسافروں کو لانے والی ایئرلائنز پر بڑا الزام عائد کر دیا گیا ہے۔

تفصیلات کے مطابق سی اے اے نے خلیجی ممالک سے مسافروں کو پاکستان لانے اور لے جانے والی ایئر لائنز پر جعلی کورونا ٹیسٹ کا انکشاف کر دیا ہے۔

سی اے اے  نے جعلی کورونا رپورٹس پر پاکستان سفر کرنے کے واقعات پر نوٹس لے لیا ہے۔

 پاکستان میں کام کرنے والی تمام ایئر لائنز کے لئے نئی ہدایات جاری کر دی ہیں۔

سی اے اے  کا کہنا ہے کہ مسافروں نے جعلی پی سی آر اور منفی ٹیسٹ رپورٹ پر پاکستان کا سفر کیا ہے  جبکہ ایسے مسافروں نے ساتھ سفر کرنے والوں کو بھی خطرے میں ڈالا ہے۔

سی اے اے کے مطابق ان واقعات سے کورونا پر قابو پانے کی قومی سطح پر کی جانے والی کوششوں کو بھی نقصان پہنچا ہے۔

انہوں نے کہا کہ پاکستان آنے والے مسافرتصدیق شدہ لیبارٹریز سے ہی کورونا ٹیسٹ کرائیں تاہم درست کیو آر کوڈ کے بغیر کسی مسافر کی منفی رپورٹ قبول نہیں کی جائے گی اور رپورٹ کی کاپی بھی قابل قبول  نہیں ہوگی۔

سی اے اے نے یہ بھی کہا کہ ایسے مسافر جو  پاس ٹریک ایپ میں رجسٹرڈ نہ ہوں وہ پاکستان سفر کے اہل نہیں ہیں۔

 سی اے اے کا مزید کہنا تھا کہ تمام ایئرلائنز ہدایات پر سختی سے عملدر آمد کرائیں جبکہ سول ایوی ایشن کے ساتھ ایئرلائن آپریٹرز اور اسٹیک ہولڈرز کی بھی ذمہ داری ہے۔

--> Double Click 970 x 90
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More