ملک بھر میں آج سے پبلک ٹرانسپورٹ بحال

سماء نیوز  |  May 16, 2021

بشکریہ اے ایف پی

این سی او سی کے فیصلے کے بعد آج بروز اتوار 16 مئی سے ملک بھر میں پبلک ٹرانسپورٹ کو بحال کر دیا گیا ہے۔

نیشنل کمانڈ اینڈ آپریشن سینٹر (این سی او سی) کے خصوصی اجلاس میں عید الفطر کے بعد کی صورت حال پر غور کیا گیا۔ اجلاس میں فیصلہ کیا گیا کہ پبلک ٹرانسپورٹ میں گنجائش سے پچاس فیصد کم مسافروں کو بٹھایا جاسکے گا۔

بی آر ٹی سروس بھی صبح 8 سے رات 10 بجے تک دوبارہ شروع ہوگئی۔ ٹرینیں 70 فیصد مسافروں کے ساتھ چلائی جائیں گی۔ تمام دفاتر کل سے کھول دیے جائیں گے۔ دفاتر میں پچاس فیصد حاضری کی اجازت ہوگی، جب کہ بازار رات آٹھ بجے تک کھلے رکھنے کی اجازت ہوگی۔

ریسٹورنٹس میں صرف ٹیک اوے کی اجازت ہو گی، ملک بھر میں تعلیمی ادارے 30 مئی تک بند رکھنے کا اعلان کیا گیا۔ ایس او پیز کا جائزہ لینے کیلئے این سی او سی کا اجلاس 19 مئی کو ہوگا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More