ترقیاتی بجٹ 630 ارب روپے سے بڑھا کر 900 ارب روپے کر دیا گیا

ہم نیوز  |  Jun 11, 2021

وزیر خزانہ شوکت ترین نے قومی اسمبلی میں وفاقی بجٹ 22-2021 پیش کرتے ہوئے کہا ہے کہ حکومت نے ترقیاتی بجٹ کو 630 ارب روپے سے بڑھا کر 900 ارب روپے کر دیا ہے۔

قومی اسمبلی کے اجلاس میں بجٹ تجاویز پیش کرتے ہوئے وفاقی وزیر خزانہ نے کہا کہ ترقیاتی بجٹ میں تقریباً 40 فیصد کا اضافہ کیا گیا ہے۔

انہوں نے کہا کہ  ترقیاتی بجٹ میں گلگت بلتستان  کےلیے 162 ارب روپے رکھے گئے ہیں جس سے 29 منصوبے مکمل ہوں گے۔

ان کا کہنا تھا کہ خیبرپختون خوا کے ضم شدہ اضلاع کےلیے 54 ارب روپے مختص کیے گئے جب کہ  جنوبی بلوچستان کے ترقیاتی پروگرام کےلیے بیس ارب روپے رکھے گئے ہیں۔

اس کے علاوہ پبلک سیکٹر ڈیولپمنٹ پروگرام (پی ایس ڈی پی) میں چین پاکستان اقتصادی راہداری (سی پیک) کے تحت ترقیاتی منصوبوں کے لیے 87 بلین روپے مختص کیے ہیں۔

ہم نیوز کے مطابق پلاننگ کمیشن کی طرف سے جمعہ کے دن جاری کردہ اعداد و شمار کے تحت سی پیک کے مغربی روٹ کے لیے 42 بلین روپے مختص کیے گئے ہیں۔

گاڑیوں اور یو پی ایس میں استعمال ہونے والی بیٹریاں مہنگی

سرکاری اعداد و شمار کے مطابق سی پیک کے تحت خصوصی اقتصادی زونز میں دھابیجی، رشکئی، فیصل آباد اور بوستان زونز کے قیام کے لیے بھی 7 بلین روپے کے فنڈز مختص ہوئے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More