پولیو کے خاتمے کیلئے 5.1 ارب ڈالر کا اعلان

ہم نیوز  |  Jun 13, 2021

جنیوا: پولیو کے مکمل خاتمے کے لیے 5.1 ارب ڈالر کے عالمی فنڈ کا اعلان کر دیا گیا۔

غیر ملکی خبر رساں ایجنسی کے مطابق دنیا بھر سے 2026 تک پولیو کے مکمل خاتمے کا اعادہ کیا گیا ہے اور مختص کردہ عالمی فنڈ کا بڑا حصہ پاکستان اور افغانستان میں انسدادِ پولیو مہم پر صرف ہوگا۔

واضح رہے کہ اس وقت صرف پاکستان اور افغانستان میں ہی پولیو موجود ہے ورنہ دنیا بھر سے پولیو کا خاتمہ کیا جا چکا ہے۔

پولیو کے خاتمے سے متعلق حکومتوں، غیر سرکاری اداروں اور صحت کی تنظیموں کے مشترکہ عالمی پروگرام ’’گلوبل پولیو اریڈیکیشن انیشی ایٹیو‘‘ (پی جی ای آئی) نے اپنے تازہ بیان میں کہا ہے کہ پولیو کا مکمل خاتمہ کرنے کے لیے فوری اور منظم کوششوں کی پہلے سے زیادہ ضرورت ہے۔

عالمی ادارہ صحت کے مطابق گزشتہ برس کورونا وائرس کی عالمی وبا کے باعث انسدادِ پولیو پروگرام پر بھی توجہ کم ہوگئی تھی جس کے نتیجے میں 2020 کے دوران پولیو کیسز کی تعداد بھی 1,226 ہوگئی جبکہ 2018 میں یہی تعداد صرف 138 رہ گئی تھی۔

یہ بھی پڑھیں: 

امراض اور وباؤں کے تدارک سے متعلق امریکی ادارے ’’سی ڈی سی‘‘ میں شعبہ انسدادِ پولیو کے سربراہ ڈاکٹر جان ورٹیوفیویلی نے کہا، ’’اب وقت آگیا ہے کہ پولیو کا خاتمہ کرنے کے لیے کوششیں دگنی کردی جائیں۔‘‘

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More