پیٹرولیم مصنوعات کی قیمتوں میں ساڑھے10روپے فی لیٹرمہنگا ہونیکا امکان

سماء نیوز  |  Sep 14, 2021

فوٹو: اے ایف پی

آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیتوں میں ساڑھے 10 روپے فی لیٹر تک اضافے کی سمری حکومت کو بھجوادی، حتمی فیصلہ وزیراعظم عمران خان کریں گے، نئی قیمتوں کا اطلاق 16 ستمبر سے ہوگا۔

پیٹرولیم مصنوعات کی قیمتوں میں ساڑھے 10 روپے فی لیٹر تک اضافے کا خدشہ ہے، اوگرا نے سمری حکومت کو بھجوادی، جس میں ہائی اسپیڈ ڈیزل کی قیمت ساڑھے 10 روپے فی لیٹر تک بڑھانے کی سفارش کی گئی ہے۔

اوگرا نے پیٹرول کی قیمت میں ایک روپے فی لیٹر، مٹی کا تیل اور لائٹ ڈیزل ساڑھے 5 روپے فی لیٹر تک مہنگا کرنے کی تجویز دی ہے۔

رپورٹ کے مطابق پیٹرولیم لیوی اور جنرل سیلز ٹیکس میں رد و بدل سے قیمتوں میں تبدیلی ہوسکتی ہے، وزارت خزانہ کل وزیراعظم کی مشاورت سے قیمتوں پر فیصلہ کرے گی، نئی قیمتوں کا اطلاق 16 ستمبر سے ہوگا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More