پاک نیوزی لینڈ کرکٹ سیریز میں سیکیورٹی کے لئے پاک آرمی اور رینجرز طلب

بول نیوز  |  Sep 15, 2021

پاک نیوزی لینڈ کرکرٹ سیریز میں سیکیورٹی  کے فرائض پاک آرمی اور پاک رینجرز کے جوان انجام دیں گے۔

تفصیلات کے مطابق پنجاب کابینہ نے نیوزی لینڈ کی ٹیم کی سکیورٹی کیلئے آرمی اور رینجرز طلب کرنے کی منظوری  دے دی ہے، پاک آرمی اور رینجرز کے دستے لاہور اور راولپنڈی میں  تعینات ہونگے۔

نیوزی لینڈ کی ٹیم پاکستان کے دورے کے دوران ون ڈے اور ٹی 20 سیریز کھیلے گی۔

 دونوں ٹیموں  کے درمیان پہلا ون ڈے میچ 17 ستمبر کو روالپنڈی میں کھیلا جائے گا، تینوں ون ڈے میچز راولپنڈی جبکہ ٹی 20 میچز لاہور کے قذافی سٹیڈیم میں کھیلیں جائیں گے۔

 پنجاب حکومت کی جانب سے نیوزی لینڈ کرکٹ ٹیم کی سکیورٹی کیلئے فول پروف انتظامات  کئے گئے ہیں، ٹریفک پولیس اور لاہور پولیس کی اضافی ڈیوٹیاں لگائی جائیں گی۔

لاہور میں تین مختلف روٹس سے ٹیموں کے آنے اور جانے کا پلان تشکیل  دیا گیا ہے۔

ذرائع کا کہنا ہے کہ ضرورت پڑنے پر ہیلی کاپٹر کو بھی ٹیم کے لیے استعمال کیا جا سکتا ہے،محکمہ داخلہ نے  لاہور پولیس کو فول پروف سکیورٹی پلان تیار کرنے کی ہدایت  کر دی ہے۔

واضح رہے کہ نیوزی لینڈ کرکٹ ٹیم 18سال بعد پاکستان آئی ہے،کیویزکرکٹ ٹیم کے کھلاڑی چارٹرڈفلائٹ کے ذریعے پاکستان پہنچی ہے، پاکستانی ٹیم بھی اسلام آباد پہنچ چکی ہے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More