صنم چوہدری نے اپنے مداحوں کیلئے معنی خیز پوسٹ جاری کردی

بول نیوز  |  Oct 14, 2021

حال ہی میں اسلام کی خاطر شوبز انڈسٹری سے کنارہ کشی اختیار کرنے والی سابقہ اداکارہ صنم چوہدری نے اپنے مداحوں کے لئے معنی خیز پوسٹ شئیر کردی۔

اداکارہ نے سوشل میڈیا سائٹ انسٹاگرام پر اپنے مداحوں کے لئے معنی خیز اسٹوریز شیئر کیں جن میں اُنہوں نے کہا کہ ہم جتنا زیادہ پڑھ لکھ جاتے ہیں، ہمارے اندر تکبر بھی زیادہ آجاتا ہے اور غرور کرنا شیطان کا کام ہے۔

 

انہوں نے کہا کہ جبھی ہمارے لئے دین کا علم حاصل کرنا زیادہ ضروری ہے تاکہ ہم وہ علم اپنی اولاد میں منتقل کرسکیں۔

صنم چوہدری نے کہا کہ اگر ہم نے دینی تعلیم پر توجہ نہ دی تو ہم خود اپنے ہاتھوں سے اپنے بچوں کی آخرت خراب کرنے کے ذمہ دار ہوں گے ،یہ اوہ وقت ہے کہ جب ہمیں مسلمان سے مومن بننا ہے۔

سابقہ اداکارہ نے کہا کہ مسلمان اور مومن میں صرف ایک لفظ کا فرق ہے، مسلمان اللّہ تعالیٰ کو مانتا ہے جبکہ مومن اللّہ تعالیٰ کی مانتا ہے۔

واضح رہے کہ حال ہی میں صنم چوہدری نے اپنے انسٹاگرام اکاؤنٹ سے اپنی تمام تصاویر ڈیلیٹ کر دیں تھیں۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More