مغرب افغانیوں کی مالی مدد کیوں کررہاہے،شاہ محمودقریشی نےبتادیا

سماء نیوز  |  Oct 14, 2021

وزیرخارجہ شاہ محمود قریشی نے جمعرات کو وزير اعظم کی زيرصدارت پی ٹی آئی پارليمانی پارٹی کا اجلاس میں مغربی ممالک کی جانب سے افغانسان کے لیے بھاری مالی امداد دیے جانے والے معاملے پر روشنی ڈالی۔

اجلاس سے خطاب کے دوران وزیر خارجہ کا کہنا تھا کہ ہم نے دنیا پر واضح کرديا تھا کہ اگر افغانستان کےحالات بہترنہ ہوئے تو وہاں کے لوگ ملک چھوڑ کر نکل جائيں گے۔

شاہ محمود قریشی نے کہا کہ یہ بھی واضح کیا گیا کہ افغان عوام صرف پاکستان يا ايران نہيں بلکہ مغربی ممالک بھی جائيں گے اور اگر ایسا ہوا تو پھر صورتحال کو سنبھالنا مشکل ہوجائے گا۔

وزیرخارجہ کے مطابق جب دنیا پر صورتحال واضح کی گئی تو مغربی ممالک نے کہا کہ وہ مالی امداد کریں گے تاکہ افغان عوام اپنے ملک ميں ہی رہيں۔

یاد رہے کہ افغانستان کی خراب معاشی صورتحال کے پیش نظر یورپی یونین نے 2 روز قبل افغانستان کے عوام کے لیے ایک ارب یورو سے زائد کے امدادی پیکج کا اعلان کیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More