ٹی20 ورلڈ کپ: سری لنکا نے نمیبیا کو سات وکٹوں سے ہرا دیا

اردو نیوز  |  Oct 19, 2021

آئی سی سی ٹی 20 ورلڈ کپ کے پہلے مرحلے کے چوتھے میچ میں سر لنکا نے نمیبیا کو سات وکٹوں سے شکست دے دی۔

سری لنکن کپتان  داسن شاناکا نے نمیبیا کے خلاف ٹاس جیت کر فیلڈنگ کا فیصلہ کیا۔

نمیبیا کی پوری ٹیم 20 ویں اوور میں 96 رنز بناکر آؤٹ ہوگئی۔ نمیبیا کے کریک ویلیمز 29 اور کپتان ایراسمس 20 رنز بنا کر نمایاں رہے۔

نمیبیا کے آٹھ بیٹسمین ڈبل فیگر میں بھی داخل نہ ہوسکے ۔

سری لنکا کی جانب سے مہیش ٹھیکشانا نے تین جب کہ لاہیرو کمارا اور ہراسنگا نے دو دو کھلاڑیوں کو آؤٹ کیا۔

97  رنز کا ہدف سری لنکا نے باآسانی تین وکٹوں کے نقصان پر 14 ویں اوور میں حاصل کرلیا۔

سری لنکا کے  بھانوکا راجا پکسا 42 اور اویشکا فرنینڈو کے 30 رنز بنا کر نمایاں رہے۔

واضح رہے کہ پیر کے روز کھیلے گئے پہلے میچ میں آئرلینڈ نے نیدرلینڈز کو سات وکٹوں سے باآسانی شکست دے دی تھی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More