ٹی ٹوئنٹی ورلڈکپ، پاکستان اپنا پہلا میچ بھارت کے خلاف کھیلے گا

بول نیوز  |  Oct 19, 2021

ٹی ٹوئنٹی ورلڈکپ کا رنگا رنگ میلا دبئی اورعمان میں سج چکا ہے۔

تفصیلات کے مطابق آئی سی سی مینز ٹی ٹوئنٹی ورلڈکپ 2021 میں پاکستان اپنا پہلا میچ بھارت کے خلاف 24اکتوبر کو کھیلے گا۔

ذرائع کا کہنا ہے کہ 24 اکتوبر کو پاکستان اوربھارت کے درمیان میچ انٹرنیشنل کرکٹ اسٹیڈیم دبئی میں کھیلا جائیگا جبکہ 26 اکتوبر کو پاکستان اپنا دوسرا میچ نیوزی لینڈ کے خلاف شارجہ کرکٹ اسٹیڈیم میں کھیلا جائیگا اور 29 اکتوبر کو پاکستان کا مقابلہ افغانستان کی ٹیم سے ہوگا اورمیچ دبئی میں کھیلا جائیگا۔

اسکے علاوہ 2 نومبر کو پاکستان کا مقابلہ اے ٹو آئی سی سی مینز ٹی ٹوئنٹی ورلڈ کپ شیخ زید انٹرنیشنل کرکٹ اسٹیڈیم ابوظہبی میں ہوگا جبکہ 7 نومبر کو پاکستان کا مقابلہ بی ون آئی سی سی مینز ٹی ٹوئنٹی ورلڈ کپ بمقام شارجہ کرکٹ اسٹیڈیم ہوگا۔

واضح رہے کہ 10 نومبر کو پہلا سیمی فائنل ابوظہبی اور 11 نومبر دوسرا سیمی فائنل انٹرنیشنل کرکٹ اسٹیڈیم دبئی میں کھیلا جائیگا جبکہ 14 نومبر کو فائنل دبئی میں کھیلا جائیگا۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More