مومنہ درید پروڈکشن کے پیش کردہ ڈرامے ہم کہاں کے سچے تھے کو جہاں لوگوں کی جانب سے پسند کیا جارہا، جبکہ ایک طرف ڈرامے پر مزاحیہ انداز میں تنقید بھی کی جا رہی ہے۔
اب تک اس ڈرامے کی 15 اقساط ریلیز ہوچکی ہیں، تاہم ڈرامے کو بینا کسی مقصد کے لمبا یا گانا ڈال کر گھسیٹا جارہا ہے۔
ڈرامے نے آغاز سے ہی پسندیدگی کی سند حاصل کرلی تھی، مگر جوں جوں کہانی آگے بڑھتی جارہی ہے آہستہ آہستہ لوگوں کی جانب سے بیزاری کا اظہار سوشل میڈیا پر دلچسپ انداز میں کیا جارہا ہے۔
ایک صارف نے لکھا کہ ہم کہاں کے سچے تھے میں 1 فیصد ڈائیلاگ ہیں باقی 99 فیصد تیرے بن گانا ہے۔
ایک اور صارف نے ایک ویڈیو شیئر کرتے ہوئے لکھا کہ میں ڈرامے کے گانے کو پہلے بہت پسند کرتا تھا، مگر اب میرے کان پک گئے ہیں۔
ایک خاتون نے لکھا کہ 2 جملے اور 15 منٹ کا گانا۔
ایک صارف نے تو یہاں تک کہا کہ ڈرامے کو عوام کی ذہنی صحت کیلئے خطرہ قرار دیتے ہوئے پیمرا سے پابندی عائد کرنے کا مطالبہ کر دیا۔
ہم کہاں کے سچے تھے ڈرامے کی کاسٹ میں ماہرہ ، کبریٰ اور عثمان مختار کے علاوہ ہارون شاہد ،زینب قیوم ،علی طاہر، شمیم ہلالی، لیلیٰ واسطی ،عمیررانا شامل ہیں۔