بھارت: کرپٹو کرنسیز پر پابندی کےلیے بل متعارف

بول نیوز  |  Nov 24, 2021

بھارتی حکومت نے پرائیویٹ کریپٹو کرنسیزپر پابندی کے لیے ایک بل متعارف کرادیا۔ اس بل کے ذریعے بھارت اور مرکزی بینک کی جانب سے جاری کی جانے والی ڈیجیٹل کرنسی کےلیے ایک فریم ورک بنانے کی جانب دیکھ رہا ہے۔

خبر رساں ایجنسی اے ایف پی کے مطابق لوک سبھا میں پیش کیے گئے بل میں کہا گیا کہ مجوزہ بل کا مقصد ہندوستان میں تمام نجی کریپٹو کرنسیوں پر پابندی لگانا ہے۔

یہ اقدام ایک ایسے موقع پر اٹھایا گیا کہ جب گزشتہ ہفتے وزیر اعظم نریندر مودی نے خبردار کیا تھا کہ بٹ کوائن نوجوان نسلوں کے لیے خطرہ ہے اور اگر یہ غلط ہاتھوں میں لگ گئی تو ہماری نوجوانوں کو خراب کر سکتی ہے۔

واضح رہے کہ ستمبر میں چین کی جانب سے کریپٹو کرنسی کے تمام لین دین کو غیر قانونی قرار دیے جانے کے بعد یہ ایک بڑی ابھرتی ہوئی معیشت کی طرف سے تازہ ترین اقدام ہے۔

گزشتہ سال اپریل میں بھارتی سپریم کورٹ نے کریپٹو کرنسی پر لگائی گئی سابقہ ​​پابندی کو کالعدم قرار دے دیا تھا جس کے بعد بھارت میں کریپٹو کرنسی کی مارکیٹ میں تیزی آئی تھی اور اس کی قیمت میں 600 فیصد سے زیادہ اضافہ ہوا تھا۔

ایشیاء کی تیسری سب سے بڑی معیشت میں ڈیڑھ کروڑ سے 10 کروڑ افراد کے پاس کریپٹو کرنسی ہے جس کی کُل مالیت کا تخمینہ اربوں ڈالر لگایا گیا ہے تاہم اس بل کے بعد اس کرنسی میں سرمایہ کاری کا مستقبل غیر یقینی نظر آتا ہے۔

بھارت کے اسٹیٹ بینک نے جون میں اعلان کیا تھا کہ وہ اس سال کے آخر تک اپنی ڈیجیٹل کرنسی متعارف کرانے کے لیے کام کر رہا ہے جبکہ بٹ کوائن، ایتھیرم اور دیگر نجی کریپٹو کرنسیوں کے بارے میں سنگین تحفظات سے آگاہ کیا تھا۔

نئے قانون ساز اجلاس میں پیش کیے جانے والا بل بل کریپٹو کرنسی ٹیکنالوجی کو فروغ دینے کے لیے کچھ استثنیٰ کی اجازت بھی دے گا البتہ اس کے علاوہ مجوزہ قانون سازی کے بارے میں مزید تفصیلات جاری نہیں کی گئیں۔

اہم اس اعلان کے باوجود بٹ کوائن کی مارکیٹ کی قیمت غیرمتاثر نظر آتی ہے اور منگل کو بھارت میں کرنسی کی قیمت مزید 1.6فیصد بڑھ گئی لیکن مقامی تاجروں اور خریدار اس اعلان کے بعد پریشان نطر آ رہے ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More