خطے کی صورت حال بہت تیزی سے تبدیل ہورہی ہے، پرویز الہیٰ

بول نیوز  |  Nov 25, 2021

اسپیکر پنجاب اسمبلی اور قائم مقام گونر چوہدری پرویز الہیٰ کا کہنا ہے کہ خطے کی صورت حال بہت تیزی سے تبدیل ہورہی ہے۔

بول نیوز کے مطابق قائم مقام گورنر پنجاب چوہدری پرویز الٰہی سے کمبودیا کے سفیر ڈبلیو پیٹرک مرفی نے ملاقات کی، جس میں باہمی دلچسپی کے امور اور موجودہ بین الاقوامی صورتحال پر تبادلہ خیال کیا گیا۔

اس موقع پر چوہدری پرویز الہیٰ نے کہا کہ پاکستان کمبوڈیا کی ترقی میں تعاون کر رہا ہے۔ پاکستان تعمیراتی شعبے، پوسٹل سروس، ریلوے کے نظام اور بینکنگ سیکٹر میں بھر پور تعاون کررہا ہے۔ دونوں ممالک کو سیاحت، تجارت، سیاحت اور تعلیم سمیت دیگر شعبوں میں رابطہ مہم بڑھانے کی ضرورت ہے۔ عالمی صورتحال تیزی سے تبدیل ہورہی ہے، صحت اور خوراک میں انسانیت کو درپیش مشکلات کا حل مل جل کر نکالا جا سکتا ہے۔

کمبوڈیا کے سفیر نے چوہدری پرویز الٰہی سے پاکستان کے تعاون پر شکریہ ادا کرتے ہوئے کہا کہ ان کا ملک پاکستان کے ساتھ تجارت، ثقافت، سیاحت سمیت دیگر امور کو آگے بڑھانے میں دلچسپی رکھتاہے پاکستان خوبصورت اور امن پسند ملک ہے۔ کمبوڈیا کے طلبہ، تاجر اور سیاح پاکستان میں خود کو محفوظ سمجھتے ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More