بزرگوں کے لیے کھانا نرم بنانے والی مشین

بول نیوز  |  Nov 27, 2021

ایک 25 سالہ نوجوان پورا چرغہ کھاسکتا ہے لیکن ایک 70 سالہ بزرگ شاید ایک پیالہ یخنی بھی مشکل سے پی سکتا ہو۔ اسی کمی کو دیکھتے ہوئے پیناسونک کے کھانے کو غیرمعمولی حد تک نرم اور قابلِ تناول بنانے والی ایک مشین تیار کی ہے۔

دلچسپ بات یہ ہے کہ کمپنی میں موجود دو خواتین انجینیئروں نے اسے تیار کیا ہے۔ اس کا نامی ڈیلی سوفٹر رکھا گیا ہے۔ جاپان میں طویل عمری کی بنا پر 80 سے 90 سال تک کے بزرگ عام ہیں اور اعصابی کمزوری یا دانتوں کی قوت نہ ہونے کی وجہ سے وہ نرم اور ہلکی غذا کے محتاج ہوتے ہیں۔

اسی ضرورت کے تحت ڈیلی سوفٹر ایجاد کیا گیا ہے۔ یہ بطورِ خاص چاولوں کو اتنا نرم کرتا ہے کہ وہ سو سال کے بزرگ کے حلق سے بھی نیچے اترسکتے ہیں۔ دوسری جانب مرغی اور دیگر اقسام کے گوشت کو یہ 120 درجہ سینٹی گریڈ پر گرم کرکے اسے باریک اور نرم ترین ریشوں میں بدلتا ہے جنہیں نگلنے میں بہت آسانی رہتی ہے۔

لیکن یاد رہے کہ یہی ایجاد بہت چھوٹے بچوں کےلیے بھی مزیدار کھانوں کو مزید نرم بناسکتی ہے۔ اگلے چند برسوں میں اس کی فروخت دنیا بھر میں شروع ہوجائے گی اور پیناسونک کی ذیلی فوڈ کمپنی ٖگفمو اسے فروخت کرے گی۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More