پی ٹی آئی ممنوعہ فنڈز اور تاریخی فراڈ کی داستان ہے، شازیہ مری

بول نیوز  |  Nov 28, 2021

سیکریٹری اطلاعات پیپلز پارٹی پارلیمنٹیرینز شازیہ مری نے کہا ہے کہ پی ٹی آئی ممنوعہ فنڈز تاریخی فراڈ کی داستان ہے۔

    شازیہ مری نے اپنے جاری کردہ ایک بیان میں کہا کہ الیکشن کمیشن پی ٹی آئی ممنوعہ فنڈز کیس کا جلد فیصلہ سنائے، پی ٹی آئی ممنوعہ فنڈز تاریخی فراڈ کی داستان ہے، جو شخص اپنے احتساب سے فرار ہونا چاہتا ہے وہ احتساب کا ڈھونگ کر رہا ہے۔

ان کا کہنا تھا کہ پی ٹی آئی حکومت فارن فنڈنگ کیس کے فیصلے کو روکنے کی ہر ممکن کوشش کر رہی ہے، عمران خان نے کینسر ہسپتال کے نام پر ممنوع ذراؤں سے چندہ لے کر پی ٹی آئی کے نام چیک کے ذریعے وصول کیا، عمران خان نے وزیرِ اعظم بننے کے کیلئے اسمبلی سے ووٹ حاصل کئے لیکن اسمبلی کو عزت نہیں دی۔

انہوں نے کہا کہ بھارتی جاسوس کلبھوشن کے بارے میں قانون سازی سوالیہ نشان ہے، مقبوضہ کشمیر پر مودی کی جارحیت پر خاموش بھی چندے کی وجہ تھی، عمران خان نے مقبوضہ کشمیر سانحہ پر بھی قومی یکجہتی کو ثبوتاژ کیا، آج عمران خان کی نااہلی اور نالائقی کی بدولت پاکستانی عوام تکلیف میں ہے۔

شازیہ مری کا کہنا تھا کہ کورونا پیکج میں 40 ارب روپے کی بے ظابطگیوں کے ذمہ دار عمران خان ہیں، کورونا وبا کے فنڈز کو بھی عمران خان نے نہیں چھوڑا، عمران خان خرد برد خان کے نام سے پہچانے جاتے ہیں۔

انہوں نے کہا کہ بے نظیر انکم سپورٹ پروگرام کے پیسے غریب بیواہ خواتین کی امانت ہیں، غریب بیواہ خواتین کی رقم عمران خان کے جبڑے سے نکالیں گے، عمران خان کا کرپشن کے خلاف بیانیہ مگر مچھ کے آنسو ہیں۔

سیکریٹری اطلاعات پیپلز پارٹی پارلیمنٹیرینز شازیہ مری کا مزید کہنا تھا کہ عمران خان نے بے نظیر ایمپلائیز اسٹاک سے محنت کشوں کے 25 ارب روپے چوری کیئے، چور چوکیدار بن جائے تو گھر پر ڈاکے تو پڑیں گے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More