افغانستان کی صورت حال پر خصوصی اجلاس،او آئی سی سفارتکاروں کو بریفنگ

بول نیوز  |  Dec 01, 2021

افغانستان کی صورت حال پر او آئی سی خصوصی اجلاس کے حوالے سے سیکرٹری خارجہ نے اسلام آباد میں او آئی سی سفارتکاروں کو بریفنگ دیتے ہوئے کہا کہ افغانستان میں مخدوش انسانی صورت حال پر غور کیا جائے گا۔

سیکرٹری خارجہ سہیل محمود نے بریفنگ میں کہا کہ افغانستان کے 38 ملین عوام کو خوراک کی قلت کا سامنا ہے۔ افغانستان میں مکمل اقتصادی بحران کا خطرہ ہے۔

سہیل محمود نے کہا کہ یہ صورت حال نہ صرف انسانی المیے کو جنم دے گی بلکہ خطے کی سلامتی کیلئے بھی خطرہ ہے۔

سیکرٹری خارجہ نے مزید کہا کہ او آئی سی کے پلیٹ فارم سے مسلم اُمّہ کو افغان بھائیوں کی مدد کیلئے کردار ادا کرنا چاہئے۔ او آئی سی دیگر عالمی قوتوں کو بھی افغانستان کی مدد کیلئے یکجا کرے۔

سیکرٹری خارجہ سہیل محمود نے کہا کہ سعودی عرب نے او آئی سی سربراہ کی حیثیت سے 29 نومبر کو یہ اہم اقدام اٹھایا۔

ترجمان دفتر خارجہ کا کہنا ہے کہ او آئی سی کا خصوصی اجلاس 17 دسمبر کو اسلام آباد میں ہو گا، جس میں افغانستان کی صورت حال پر غور کیا جائے گا۔

خیال رہے کہ افغانستان میں انسانی المیے اور بحرانی صورتحال پر سعودی عرب نے او آئی سی کا اجلاس پاکستان ‏میں طلب کیا ہے۔

اس حوالے سے وزیرِ خارجہ شاہ محمود قریشی کا کہنا تھا کہ افغانستان پر او آئی سی اجلاس کی بھرپور حمایت کرتے ہیں۔

ان کا کہنا تھا کہ اوآئی سی وزرا خارجہ کا پہلا اجلاس 1980 میں اسلام آباد میں ہوا تھا، آئندہ ماہ ہم ایک بار پھر اسلام ‏‏آباد میں اکٹھا ہوں گے اور افغان مسئلے پرغور ہوگا۔

شاہ محمود قریشی نے کہا کہ اوآئی سی رکن ممالک کے وزرا خارجہ کوخوش آمدید کرنے کا ‏‏منتظر ہوں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More