اسلام آباد میں ٹریفک حادثہ، پولیس اہلکار زخمی

بول نیوز  |  Jan 16, 2022

اسلام آباد کے سیکٹر ایف ٹین میں ٹریفک حادثہ پیش آیا ہے۔

تفصیلات کے مطابق غیر ملکی شہری کی گاڑی کی ٹکر سے اسلام آباد پولیس کا اہلکار زخمی ہوگیا ہے۔

ریسکیو ذرائع کا کہنا ہے کہ حادثے کے وقت تھانہ رمنا میں تعینات پولیس اہلکار موٹرسائیکل سے جارہا تھا تاہم اب پولیس اہلکار کو پمز اسپتال منتقل کردیا گیا ہے۔

ترجمان اسلام آباد پولیس کے مطابق ایکسیڈنٹ میں محمد ثقلین نامی پولیس اہلکار زخمی ہوا ہے جس کو ہسپتال منتقل کیا گیا ہے جبکہ گاڑی چلانے والا شخص انڈونیشین باشندہ ہے۔

واضح رہے کہ پولیس کی جانب سے کارروائی جلد  ضابطہ عمل میں لائی جائی گی۔

دنیا  بھرمیں ٹریفک حادثے انسانی جانوں کے لیے ایک بڑے خطرے کے طور پر سامنے آ رہے ہیں، عالمی ادارہ صحت کے مطابق ہر سال لاکھوں افراد ٹریفک حادثات کی وجہ سے اپنی جانوں سے ہاتھ دھو بیٹھتے ہیں۔

ایک عالمی تحقیقاتی ادارے کے مطابق پاکستان میں ہلاکتوں کا باعث بننے والے پچاس عوامل اوربیماریوں میں ٹریفک حادثات پندرہویں نمبر پر ہیں۔

 پاکستان میں ایڈز، ناقص خوراک،  مرگی، تشدد کئی قسم کے سرطان اور خود کشیوں کی وجہ سے انفرادی طور پر ہونے والی اموات سے ٹریفک حادثات میں مرنے والے لوگوں کی تعداد زیادہ ہے۔

اس رپورٹ کے مطابق سب سے زیادہ ٹریفک حادثات موٹر سائیکل سواروں آٹو رکشا والوں اور موٹر کاروں اور وینز چلانے والوں کو پیش آئے اس کے بعد بسوں اور ٹرکوں کے حادثات رپورٹ ہوئے ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More