حسینہ ڈاکو کی محبت میں گرفتار، جیل سے باہر آتے ہی منگنی کرلی

بول نیوز  |  Jan 25, 2022

ایک حسینہ ڈاکو کی محبت میں گرفتار ہوگئی اور اس کے جیل سے باہر آتے ہی منگنی کرلی۔

کہا جاتا ہے کہ محبت کی کوئی سرحد نہیں ہوتی، نہ اس میں عمر یا ذات کی کوئی پابندی ہوتی ہے اور نہ ہی انسان صحیح یا غلط کو سمجھتا ہے، اگر ایسا نہ ہوتا تو ایک نیک سیرت لڑکی ڈاکو کے جال میں کیسے پھنس سکتی تھی، محبت کی یہ کہانی بہت عجیب ہے اور اس وقت کافی سرخیوں میں ہے۔

22 سالہ برطانوی لڑکی بریہ سوٹن کو 32 سالہ ڈاکو ہارلے ویب سے اتنی محبت ہوگئی کہ ہارلے کے جیل سے باہر آتے ہی دونوں کی منگنی ہوگئی۔

بریہ سوٹن نے ڈاکو ہارلے ویب سے اپنے ایک دوست کے ذریعے ملاقات کی رفتہ رفتہ ان کی ایک دوسرے سے شناسائی ہوئی اور وہ 8 ماہ تک جیل سے بات کرتے اور ملتے رہے۔

ان کے درمیان خطوط اور تحائف کا تبادلہ ہوا اور کورونا کی پابندی ہٹنے کے بعد جیل میں ہی ملاقاتیں ہونے لگیں، یہ آپ کو عجیب لگے گا لیکن لڑکی ہارلے کے باہر آنے کا بے تابی سے انتظار کر رہی تھی۔

بریہ سوٹن کا کہنا ہے کہ وہ 10 جنوری کو ہارلی سے باہر آنے کے بعد ملی، اب تک فون کالز اور جیل سے ملاقات کے بعد اسے آمنے سامنے دیکھنا، سوٹن کے لیے ایک مختلف تجربہ تھا۔

 اگلے ہی دن ہارلے نے اسے شادی کے لئے پرپوز کیا اور اس نے ہاں کردی، ایک مجرم ہونے کے باوجود سوٹن کو ہارلے سے کوئی شکایت نہیں ہے اور وہ اس کے ساتھ رہنا چاہتی ہے۔

اس وقت یہ جوڑا لندن سے دور کارن وال میں ایک دوسرے کے ساتھ رہ رہا ہے اور اب وہ اپنی زندگی ایک ساتھ شروع کرنے اور شادی کرنے کا سوچ رہے ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More