پیسہ خوشی نہیں صرف عارضی سکون دیتا ہے، زید علی

بول نیوز  |  Jan 28, 2022

پاکستانی نژاد کینیڈین یوٹیوبر اور کامیڈین زید علی نے کہا ہے کہ پیسہ خوشی نہیں صرف عارضی سکون دیتا ہے۔

زید علی نے فوٹو اینڈ ویڈٰو شئیرنگ ایپ انسٹاگرام پر ایک تصویر شئیر کی ہے۔

 

View this post on Instagram

 

A post shared by ZaidAliT (@zaidalit)

اس تصویر میں زید علی کو اپنے بیٹے ازیان کے ساتھ دیکھا جاسکتا ہے۔

تصویر کو شئیر کرتے ہوئے انہوں نے کیپشن لکھا کہ پیسہ آپ کو خوشی کبھی نہیں  دے گا بلکہ یہ آپ کو صرف عارضی سکون فراہم کرے گا۔

زید علی نے لکھا کہ میں ہمیشہ سوچتا تھا کہ پیسہ آپ کی خوشیاں خرید سکتا ہے، جب میں 18 سال کا تھا تو میں نے اپنی ڈریم کار خریدی تھی اور سوچا کہ یہ کار مجھے دنیا کا سب سے خوش انسان بنا دے گی اور اس کار نے مجھے خوش کیا لیکن صرف چند دنوں کے لیے۔

انہوں نے کہا کہ کچھ سال بعد میں نے اپنی دوسری ڈریم کار خریدی میں امید کر رہا تھا کہ یہ وہ کار ہوگی جو مجھے خوش کر دے گی لیکن یہ خوشی بھی مختصر رہی۔

زید علی نے کہا کہ میری پوری زندگی میں سوچتا تھا کہ یہ چیزیں مجھے خوشی دیں گی لیکن ایسا کچھ نہیں ہوا۔

اُنہوں نے کہا کہ 18 اگست 2021 کو مجھے واقعی خوشی ملی جب میرا بیٹا ازیان پیدا ہوا اور وہ میں نے کسی سے خریدا نہیں تھا، اس کی کوئی قیمت نہیں تھی، وہ قدرتی طور پر اللّہ تعالیٰ کی طرف سے ہمیں تحفے میں دیا گیا تھا۔

یوٹیوبر نے کہا کہ جس دن سے وہ پیدا ہوا ہے ہر ایک دن اس نے میرے لئے ایسی خوشی دی ہے جسے میں الفاظ میں بیان نہیں کر سکتا، ہم زندگی میں اکثر غلط مقاصد کا پیچھا کرتے ہیں اور اپنے اردگرد کے ماحول کو نظر انداز کر دیتے ہیں جو ہمیں حقیقی خوشی دیتے ہیں۔

زید علی نے کہا کہ اپنے پیاروں کے ساتھ وقت گزاریں اور یادیں بنائیں، یہی وہ لمحات ہوں گے جو آپ کو یاد رہیں گے۔

واضح رہے کہ گزشتہ برس زید علی اور یمنیٰ زید کے ہاں بیٹے کی پیدائش ہوئی تھی اور اس جوڑے نے بیٹے کا نام ازیان علی زید رکھا ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More