دورہ پاکستان کے لئے مارنس لبوشین کی بےقراری آسمان کو چھونے لگی

بول نیوز  |  Jan 28, 2022

دورہ پاکستان کے لئے معروف آسٹریلوی بلے بازمارنس لبوشین کی بےقراری آسمان کو چھونے لگی ہے۔

تفصیلات کے مطابق آسٹریلین کرکٹ ٹیم کے صف اول کے بلے باز مارنس لبوشین دورہ پاکستان کے لئے کافی پرجوش نظر آرہے ہیں۔ وہ پاکستان کے خلاف آسٹریلوی ٹیسٹ اسکواڈ کا حصہ ہیں۔ 27 سالہ بلے باز نے سماجی رابطے کی ویب سائٹ پرکہا ہے کہ میں پاکستان میں کھیلنے کا منتظر ہوں اور مزید انتظار نہیں کرسکتا۔

آئی سی سی کے کرکٹر آف دی ائیر شاہین شاہ آفریدی کا سامنا کرنے کے لئے بے چین ہوں۔ یاد رہے ٹیسٹ میچز میں آسٹریلوی بلے باز کا ریکارڈ شاندار ہے۔ انھوں نے 23 ٹیسٹ میچز میں 56 کی اوسط سے 2220 رنز اسکور کئے ہیں۔ انھوں نے اپنا ڈیبیو2018میں  کیا تھا۔

علاوہ ازیں، سیکیورٹی کی صورتحال سے مطمئن ٹیم آسٹریلیا 3 مارچ کو اپنے دورہ کا آغاز کراچی سے کرے گی۔

جس میں پاکستان کے خلاف ۳ ٹیسٹ میچز اور اتنے ہی ایک روزہ میچز شامل ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More