وزیراعلیٰ بلوچستان تحريک عدم اعتماد لانے والوں کے خلاف سرگرم

سماء نیوز  |  May 18, 2022

وزیراعلیٰ بلوچستان عبدالقدوس بزنجو نے تحریک عدم اعتماد میں شامل کابینہ اراکین کو برطرف کردیا۔

ترجمان وزیراعلیٰ ہاوس بلوچستان کے مطابق کابینہ سے نکالے گئے اراکین میں صوبائی وزراء اور مشیر شامل ہیں۔

اعلامیے کے مطابق برطرف صوبائی وزیروں اور مشیروں میں نوابزادہ طارق مگسی، مبین خان، نعمت اللہ زہری اور مٹھا خان کاکڑ شامل ہیں۔

ترجمان کے مطابق ملک نعیم بازئی ، شاہینہ کاکڑ بھی عہدوں سے برطرف ہونے والے اراکین میں شامل ہیں۔

 مذکورہ وزراء، مشیروں اور پارلیمانی سیکرٹریز نے وزیراعلیٰ بلوچستان کیخلاف آج صوبائی اسمبلی میں جمع کیے گئے تحریک عدم اعتماد کے مسودے پر دستخط کئے تھے۔

واضح رہے کہ آج وزیراعلیٰ بلوچستان عبدالقدوس بزنجو کے خلاف تحریک عدم جمع کروا دی گئی ہے۔ عبدالقدوس بزنجو کے خلاف تحریک عدم سابق وزیراعلیٰ بلوچستان جام کمال، یار محمدرند اور ظہور بلیدی نے جمع کروائی۔

دوسری جانب ترجمان بلوچستان حکومت فرح عظیم شاہ کا کہنا ہے کہ وزیراعلیٰ کیخلاف تحریک عدم اعتماد ناکام ہوگی اور عبدالقدوس بزنجو اپنی مدت پوری کریں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More