میانمار کے فوجی حکمرانوں پر آسیان کے اجلاسوں میں شرکت پر پابندی

اردو نیوز  |  Aug 06, 2022

کمبوڈیا نے میانمار کے فوجی حکمران کے جنوب مشرقی ایشیائی ممالک کی تنظیم آسیان کے اجلاسوں میں شریک ہونے پر پابندی لگا دی ہے۔

برطانوی خبر رساں ادارے روئٹرز کے مطابق کمبوڈین وزارت خارجہ کی جانب سے سنیچر کو بتایا گیا کہ آسیان نے مل کر فیصلہ کیا ہے کہ تب تک میانمار کے فوجی حکمران اجلاس میں شریک نہیں ہو سکیں گے جب تک وہ امن پلان کے حوالے سے کوئی پیش رفت نہیں کرتے۔

میانمار کے لیے کمبوڈیا نمائندہ خصوصی پراک سوکھون نے ایک نیوز کانفرنس کو بتایا کہ ’ایسا طریقہ کار اختیار کیا جائے جس سے ظاہر ہو کہ امن پلان کے حوالے سے پیش رفت ہوئی ہے، اس کے بعد ہم مزید کوئی فیصلہ کرنے کے قابل ہوں گے۔‘

واضح رہے کئی سال سے مشکلات کے شکار ملک میانمار کی فوج نے منتخب آنگ سان سوچی کی حکومت کا تحتہ الٹ کر اقتدار پر قبضہ کر لیا تھا اور اپنے مخالفین کے خلاف کریک ڈاؤن شروع کر دیا تھا جبکہ آنگ سان سوچی کو ’کرپشن کے جرم‘ میں پانچ سال کی سزا سنائی گئی ہے اور وہ آج کل جیل میں ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More