پاکستانی کوہ پیما ساجد سدپارہ کا تاریخی کارنامہ، بنا آکسیجن ماؤنٹ مناسلو کی ’ٹرو سمٹ‘ سر کر لی

ہم نیوز  |  Sep 26, 2022

کھٹمنڈو: پاکستان کے نامور کوہ پیما ساجد سدپارہ نے ماؤنٹ مناسلو کی ٹروسمٹ بنا آکسیجن کے سر کر کے نئی تاریخ رقم کردی ہے۔

ہم نیوز کے مطابق ساجد سد پارہ کی جانب سے یہ تاریخی کارنامہ سر انجام دیے جانے کی اطلاع خود ان کے اپنے ٹوئٹر اکاؤنٹ پر دی گئی ہے۔

واضح رہے کہ ماؤنٹ مناسلو کی ٹروسمٹ سر کرنے والے وہ پہلے پاکستانی ہیں، ان سے قبل یہ کارنامہ کسی اور کوہ پیما نے انجام نہیں دیا ہے۔ نیپال میں واقع یہ دنیا کی آٹھوین بلند ترین چوٹی ہے۔

 

Alhamdulliah, Sajid has summited Mt Manaslu 8163m world’s 8th highest mountain without oxygen this afternoon and is first Pakistan to climb to the True SummitCongratulations Pakistan 🇵🇰 pic.twitter.com/tEFDK7autj

— Sajid Ali Sadpara (@sajid_sadpara) September 26, 2022

یاد رہے کہ 8 ہزار میٹرز سے زائد بلند چوٹی مناسلو پر نئے بلند ترین مقام کا انکشاف گزشتہ سال ہوا تھا جس کے بعد پچھلی تمام سمٹ منسوخ ہوگئی تھیں۔

ساجد سدپارہ نے والد کے ساتھ گزاری آخری رات کی ویڈیو شیئر کردی

مناسلو پر برفانی تودہ گرنے کا واقعہ بھی پیش آیا ہے جس کے بعد دیگر تمام کوہ پیماؤں کی سمٹ مہم التوا کا شکار ہے۔

Manaslu AvalancheBoth Pakistani climbers are safe. Many are injured and waiting evacuation by helicopters pic.twitter.com/mO56iUVKN0

— Sajid Ali Sadpara (@sajid_sadpara) September 26, 2022

اچھا کام ، بڑا اعلان،محمد علی سدپارہ اور مومنہ درید سمیت نامور شخصیات کے لیے سول ایوارڈز

ساجد سد پارہ نے کچھ گھنٹے قبل ہی سماجی رابطوں کی ویب سائٹ پر برفانی تودہ گرنے کے بعد یہ اطلاع دی تھی کہ دونوں پاکستانی کوہ پیما حفاظت سے ہیں البتہ کچھ دیگر لوگ زخمی ہوئے ہیں اور وہ ہیلی کاپٹروں کے ذریعے ریسکیو کیے جانے کے منتظر ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More