دیپیکا پڈوکون کی طبیعت خراب، اسپتال منتقل

ہم نیوز  |  Sep 28, 2022

بالی ووڈ اسٹار دیپیکا پڈوکون کی طبیعت اچانک خراب ہونے کی وجہ سے انہیں فوری اسپتال منتقل کرنا پڑا۔

بھارتی میڈیا کے مطابق دیپیکا اپنی نئی آنے والی فلم کی شوٹنگ میں مصروف تھیں، جہاں انہیں گھبراہٹ محسوس ہوئی، جس کے بعد انہیں ممبئی کے بریچ کینڈی اسپتال لے جایا گیا۔

رپورٹس کے مطابق اداکارہ کو فوری طور پر ایڈمٹ کرلیا گیا جہاں ان کے متعدد ٹیسٹ کیے گئے، ہم اب اداکارہ کی طبعیت بہتر ہے۔

یہ بھی پڑھیں: 

بھارتی میڈیا کا کہنا ہے کہ اس بارے میں دیپیکا کی ٹیم سے بھی رابطہ کرنے کی کوشش کی گئی لیکن انہوں نے کچھ بھی میڈیا سے شئیر نہیں کیا۔

روان برس بھی حیدرآباد میں فلم کی شوٹنگ کے دوران دیپیکا کو دل کی دھڑکن تیز ہونے کی شکایت ہوئی جس کے فوری بعد انہیں مقامی اسپتال لے جایا گیا تھا۔

دیپیکا پڈوکون کی آنے والی فلموں میں پٹھان، سر فہرست ہے جس میں وہ شاہ رخ خان اور جان ابراہم کے ساتھ نظر آئیں گی، جبکہ فلم 25 جنوری 2023 کو ریلیز کی جائے گی۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More