روس کے جوہری حملے کی دھمکی کو سنجیدگی سے لیا ہے: امریکہ

اردو نیوز  |  Oct 01, 2022

امریکہ نے کہا ہے کہ روسی صدر ولادیمیر پوتن کے جوہری ہتھیاروں کے استعمال کی دھمکیوں کو سنجیدگی سے لیا ہے تاہم فی الحال جوہری ہتھیاروں کے استعمال کا امکان نہیں دیکھ رہا۔

خبر رساں ادارے روئٹرز کے مطابق امریکی قومی سلامتی کے مشیر جیک سلیوان نے وائٹ ہاؤس میں صحافیوں سے گفتگو کرتے ہوئے کہا کہ امریکہ جوہری ہتھیاروں کے استعمال کی دھمکی کو سنجیدگی سے لے رہا ہے اور اس بارے میں روس سے رابطے میں بھی ہے۔

انہوں نے کہ اگر روس ایسا کچھ کرتا ہے تو امریکہ بھی فیصلہ کن ردعمل دے گا۔

گزشتہ ہفتے روسی صدر نے یوکرین میں جوہری ہتھیاروں کے استعمال کی دھمکی دی تھی۔

صدر ولادیمیر پوتن نے ٹیلی ویژن پر اپنے خطاب میں کہا تھا کہ اگر مغرب نے تنازع پر اپنی جوہری بلیک میلنگ دکھائی تو ماسکو اپنے تمام وسیع ہتھیاروں کی طاقت سے جواب دے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More