روٹی اور نان کی قیمتوں میں اضافہ، شہریوں کی مشکلات بڑھ گئیں

ہم نیوز  |  Oct 02, 2022

لاہور: روٹی اور نان کی قیمتوں میں خود ساختہ اضافہ کر دیا گیا ہے جس نے مہنگائی کے ستائے ہوئے عوام کو مزید پریشانی میں مبتلا کردیا ہے۔

ہم نیوز کے مطابق لاہور میں روٹی کی قیمت میں اضافہ کیا گیا ہے جس کے بعد وہ 15 روپے کی ہو گئی ہے جب کہ نان کی قیمت بڑھا کر 25 روپے کردی گئی ہے۔

اس ضمن میں نان بائی ایسوسی ایشن کے رہنماؤں کہنا ہے کہ گزشتہ ایک ہفتے سے ضلعی انتظامیہ کے پاس مذاکرات کے لیے جاتے رہے ہیں لیکن کوئی نتیجہ نہیں نکلا۔

نان بائی ایسوسی ایشن کے رہنماؤں نے الزام عائد کیا کہ دوران مذاکرات کسی نے بھی ہماری بات نہیں سنی جب کہ سرکاری آٹا کہیں بھی دستیاب نہیں ہے۔

ہم نیوز کے مطابق لاہور میں فائن آٹے کی بوری کی قیمت میں دو ہزار روپے کا اضافہ ہوا ہے جس کے بعد وہ 9 ہزار روپے کی ہو گئی ہے جب کہ پہلے اس کی قیمت 7 ہزار روپے تھی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More