پاکستان کے خلاف گذشتہ روز انگلینڈ نے مینز ٹی ٹوئنٹی ورلڈ کپ کا فائنل جیت کر ٹرافی اپنے نام کرلی۔ اس موقع پر انگلش کھلاڑیوں کی جانب سے بہت خوشیاں منائی گئیں اور ٹرافی کو ہوا میں بلند کیا گیا اور اور ہر بار کی طرح شراب ہوا میں اڑانے کا جشن منایا گیا۔
وہیں انگلینڈ کی ٹیم میں موجود 2 باصلاحیت مسلمان کھلاڑی معین علی اور عادل راشد نے بھی مختصراً اپنے ٹیم میمبرز کے ساتھ جشن منایا مگر بعد ازاں دونوں کھلاڑیوں نے ایسا کام کیا جس نے لوگوں کے دل جیت لیے۔
جیسا کہ شراب کو ہمارے مذہب میں حرام قرار دیا گیا ہے اور اسی بات کو مد ںظر رکھتے ہوئے ویڈیو میں دیکھا جا تا ہے کہ انگلینڈ کے کھلاڑیوں کی شراب اُڑانے کا جشن منانے سے قبل فوراً انگلش ٹیم کے مسلمان کھلاڑی معین اور عادل نے سیلیبریشن ادھوری چھوڑی اور اسٹیج سے نیچے اتر گئے۔
ویڈیو میں ایک جانب یہ منظر بھی دیکھا گیا کہ انگلش ٹیم کے کپتان جوس بٹلر نے جشن کو روکا اور اس بات کو یقینی بنایا کہ ان کے ساتھی عادل رشید اور معین علی اسٹیج سے نیچے اتر جائیں۔
اس عمل کو دنیا بھر کے شائقین کی جانب سے کافی پذیرائی مل رہی ہے کیونکہ انگلینڈ کے کپتان جوس بٹلر نے اپنے کھلاڑیوں کے ایمان کا احترام کیا۔