سب مجھ سے شادی کا پوچھتے ہیں، ابھی تو میں بچہ ہوں: شاداب خان

اردو نیوز  |  Nov 22, 2022

پاکستانی کرکٹر حسن علی اور شاداب خان کے درمیان کے سماجی رابطوں کی ویب سائٹ ٹوئٹر پر دلچسپ مکالمہ  ہوا ہے۔

ٹوئٹر پر ایک صارف کی جانب سے ڈومیسٹک ٹورنامنٹ قائد اعظم ٹرافی کے میچ کے دوران حسن علی اور پاکستانی کرکٹ ٹیم کے کپتان بابر اعظم کی ایک تصویر اپلوڈ کرتے ہوئے لکھا کہ ’پلیز مجھے بھی بتا دیں کہ آپ دونوں میں ایسی کون سی بات ہورہی ہے جو بابر اعظم کے تاثرات ہی تبدیل ہوگئے؟‘

Aap logo ko be Lagta ha ka main boht bara ho gaya houn. Sab mere say shadi ka puchte hain. Abhi mai bacha hun. https://t.co/UktMfUZOcA

— Shadab Khan (@76Shadabkhan) November 22, 2022

اس کے جواب میں فاسٹ بولر حسن علی نے مزاحیہ انداز میں تبصرہ کرتے ہوئے کہا کہ ’ہم لوگ شاداب کی شادی کی بات کر رہے ہیں، بابر کہہ رہے ہیں کہ وہ نہیں ہونی۔‘

حسن علی کے اس ٹویٹ میں شاداب خان نے جواب دیتے ہوئے کہا کہ 'آپ لوگوں کو لگتا ہے کہ میں بہت بڑا ہوگیا ہوں، سب مجھ سے شادی کا پوچھتے ہیں، ابھی میں بچہ ہوں۔‘

2017 میں ڈیبیو کرنے والے شاداب خان کو حالیہ دنوں میں ٹی20 اور ون ڈے کرکٹ کا اہم ترین آل راوںڈر قرار دیا جارہا ہے تاہم شاداب خان پاکستانی ٹیم کے ان کھلاڑیوں میں شامل ہیں جن کی ابھی تک شادی نہیں ہوئی۔

شاداب خان کے علاوہ بابر اعظم نے بھی ابھی تک شادی کا لڈو نہیں کھایا تاہم ان کے بیسٹ فرینڈ حسن علی 2019 میں انڈین خاتون کے ساتھ شادی کر چکے ہیں۔

شاداب خان اور حسن علی کے اس دلچسپ مکالمہ پر ٹوئٹر صارفین کی جانب سے تبصرے بھی ہو رہے ہیں۔

صباح بانو ملک لکھتی ہیں کہ 'میں اپنی 34 ویں سال گرہ پر اپنی فیملی سے۔'

Me to my family on my 34th birthday: https://t.co/5lF6EdV81u

— Sabah Bano Malik (@sabahbanomalik) November 22, 2022

ہِزا نے مِیم شیئر کرتے ہوئے لکھا کہ ’جب دیسی آنٹی میرے سے پوچھے کہ میں کب شادی کر رہی ہوں۔'

رومیسہ کہتی ہیں کہ ’میں یہ سمجھ سکتی ہوں کیونکہ میں بھی لوگوں کو یہی کہتی ہوں جب وہ مجھ سے شادی کا پوچھتے ہیں۔‘

رِدا فاطمہ نے کہا کہ 'نہیں آپ ہمیں بچے ہی لگتے ہیں، ابھی شادی کرنے کی کوئی ضرورت نہیں ہے۔'

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More