تعلیم وہ زیور ہے جو ہر انسان کیلئے انتہائی ضروری ہے۔ دنیا بھر میں اسکولوں میں بچوں کو ہفتے میں ایک چھٹی دی جاتی ہے مگر اب پاکستان میں بچوں کو ہفتہ وار اسکولز میں 3 چھٹیاں دی جائیں گی۔
اس فیصلے کا اطلاق تمام سرکاری اور پرائیویٹ اسکولز میں ہوگا۔ ان چھٹیاں دینے کا مقصد یہ ہے کہ لاہور میں اس وقت اسموگ بہت زیادہ ہے جس سے دیکھنے میں مسئلہ ہوتا ہے اور سفر بھی انتہائی مشکل ہوجاتا ہے۔ آگے بڑھنے سے پہلے آپکو یہ بتاتے چلیں کہ اس فیصلے کا اطلاق صرف لاہور کے اسکولز میں ہو گا۔
اس کے علاوہ یہاں یہ بھی بتاتے چلیں کہ اس ضمن میں جاری ہونے والے نوٹیفیکیشن کے مطابق شہر لاہور میں یہ چھٹیاں جمعہ، ہفتہ اور اتوار کے دن سے لاگو ہوں گی۔واضح رہے کہ بچوں کو اور دیگر اسکول انتظامیہ کو آج سے ماسک کا لازمی استعمال کرنے کو کہہ دیا گیا ہے۔
جبکہ اسموگ اور دنیا کے آلودہ شہروں میں سر فہرست ہونے کے باعث اب صوبے بھر میں ماحولیاتی ایمرجنسی نافذ کر دی گئی ہے۔