منفرد نظر آنے کا شوق یا پھر اپنی ذات کے اظہار کا نیا طریقہ۔ کوریا کے نوجوانوں میں چھپے اس جذبے کو آخر کیا نام دیا جائے جس نے ان کے کپڑے پہننے کے انداز اور شخصیت کو دنیا کی باقی ثقافتوں سے بالکل ہی بدل کر رکھ ڈالا ہے۔
حال ہی میں 5 روزہ سیؤل فیشن ویک منعقد کیا گیا جس میں رن وے فیشن شو کو ذاتی انداز یں دکھانے کے لئے نوجوان ماڈلز سڑکوں پر نکل کر ماڈلنگ کرنے لگے۔
اس فیشن شو کی خاص بات یہ تھی کہ جنوبی کوریا میں انتہائی سرد موسم ہونے کے باوجود ماڈلز نے لباس کا انتخاب کرتے ہوئے موسم کی سختی کا کوئی خاص خیال نہیں رکھا اور ایسی جینز خوشی خوشی پہنیں جو سامنے سے فیشن کے مطابق کٹی ہوئی تھیں۔
مشہور کوریائی ڈیزائنرز لی سیونگ ڈونگ کہتے ہیں کہ“ ہم صنف میں تفریق کیے بغیر لباس بناتے ہیں۔ ہمارا انداز اسٹریٹ اسٹائل ہے جو نوجوانوں میں بے حد مقبول ہے“