والدین کے لیے اولاد کی نعمت تمام تر نعمتوں میں اہم نعمت سمجھی جاتی ہے لیکن کچھ ایسے بھی ہیں جو اس نعمت کو کافی مشکلات کے بعد دیکھ پاتے ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سوشل میڈیا پر ایک جوڑے کی خبر نے سب کو حیران تو کر ہی دیا ہے ساتھ ہی متوجہ بھی کیا ہے جس میں ایک 50 سالہ خاتون ماں بن گئی۔
امریکی ریاست شمالی کیرولینا سے تعلق رکھنے والے 61 سالہ ٹونی اور ان کی 50 اہلیہ سوزی اولاد کی تڑپ میں اس حد تک آگے بڑھ چکے تھے کہ انہیں نومولود کسی بھی صورت میں چاہیے تھا۔
تاہم اس سب میں عمر کی زیادتی کی وجہ سے جس سے بھی جوڑا ملتا سب انہیں یہی کہتے کہ اب عمر ہو چکی ہے، لیکن اللہ کے ہاں دیر ہے اندھیر نہیں۔
سوزی کے مطابق کچھ میڈیکل پیچیدگیاں میرے اندر تھی اور کچھ میرے شوہر میں، جس کے باعث ہم والدین نہیں بن پا رہے تھے، ایسے سماجی طور پر احساس محرومی کا شکار ہونا عام سی بات تھی، 2008 میں جب دونوں کی شادی ہوئی تو ان کا بھی عام جوڑوں کی طرح یہی خیال تھا کہ سوزی بہت جلد ماں بن جائے گی، مگر پھر 1 سال گزرا، دوسرا سال گزر یہاں تک کہ 6 سا بیت گئے۔
تقریبا 15 سال بعد ان کے ہاں پہلی اولاد ہوئی یعنی 50 سالہ خاتون آدھی زندگی سے زائد گزارنے کے بعد ماں بن ہی گئی۔ خاتون نے 2020 میں سرجری کرائی تھی جس سے ان کی میڈیکل پیچیدگی کا خاتمہ ہوا۔